Wasaaradda Caafimaadka oo deeq dawo ah ku wareejisay Puntland

1189

Wasaaradda Caafimaadka Soomaaliya ayaa Puntland ku wareejisay deeq dawo ah oo ay dowladda Dhexe ka heshay boqortooyada Sacuudiga, taas oo loo qeybinayay muddooyinkii dambe maamul-goboleedyada.

Agaasimaha Guud ee wasaaradda caafimaadka Cabdiqani Sheekh Cumar ayaa yiri “Wasaaraddu waxay u jirtaa in dadka ay gaarsiiso adeeg caafimaad, dhowr maamul ayaan horay u siinnay daawadan, haddana waxaan siinaynaa Puntland oo aan ka rajaynayno inay bulshada gaarsiiyaan, Waxay ku soo aadeysaa xilli roobaad ay dadku gargaar caafimaad u baahan yihiin”.

Wasiir ku xigeenka wasaaradda Caafimaadka Cusmaan Maxamed Daalo, ayaa sheegay in daawadaan loogu talo galay in ay ka faa’iideystaan shacabka dalka ku nool, ayadoo loo sii marsiinayo maamullada degaanka.

“Amanda waxaan Puntland siinaynaa qeybtii ay ku lahaayeen deeqdii daawo ee aan ka helnay Sacudiga, waxay qaadanayan xilli ay shacabku u baahan yihiin, meelaha qaar waxaa laga soo sheegayaa shuban, waxaana rajaynayaa in si wanaagsan looga faa’iideysan doono” Ayuu yiri wasiir Cusmaan.

Did you like this? Share it:

LEAVE A REPLY

Please enter your comment!
Please enter your name here