Wasaaradda Caafimaadka oo go’aamisay in la fasaxo afar ruux oo looga shakinanaa COVID-19

Wasaaradda Caafimaadka ee Xukuumadda Federaalka Soomaaliya ayaa go’aamisay in la sii daayo afar ruux oo horay looga shakisanaa inay qabaan Coronavirus, kuwaasoo ku karantiilnaa Isbitaalka AMISOM kaddib markii lagu waayay wax kiis ah oo la xiriirra COVID-19 baaritaano dheeraad ah oo lagu sameeyay.

War-saxaafadeedka ayaa lagu sheegay in mid ka mid ah afarta ruux ee karantiilnaa baaritaankii koowaad ee lagu sameeyay laga helay inuu qabo cudurka, balse labo jeer oo isku xigta oo dib baaritaan loogu celiyay ayaa lagu waayay cudurka Coronavirus

Saddexda kale ayaa iyana labo baaritaan oo lagu sameeyay natiijada ay dhamaantood noqotay in lagu waayo wax kiis ah oo la xariira Coronavirus, sidaas darteednna ay Wasaaraddu amray in la sii daayo.

Afartan ruux oo ku karantiilnaa Isbitaalka AMISOM, ayaa magacyadooda lagu xusay war-saxaafadeedka ka soo baxay Wasaarada caafimaadka ee Soomaaliya oo uu ku saxiixnaa Agaasimaha guud ee Wasaaradda caafimaadka.

 

 

LEAVE A REPLY

Please enter your comment!
Please enter your name here