Wasaaradda Caafimaadka XFS oo kulan degdega oo looga hadlayay Coronavirus la qaadatay deeq bixiyayaasha Caalamka+Sawirro

Iyadoo kiisaskii ugu dambeeyay ee cudurka  Coronavirus dhawaan laga helay dalalka aynu Dariska nahay ee Kenya iyo Itoobiya  ayaa masuuliyiinta wasaaradda caafimaadka oo arintaas ka Duuliya waxey Kulan deg deg ah oo looga tashanayo qatarta sii baaheysa ee cudurkaan la qaateen deeq bixiyayaasha taageera Soomaaliya, iyo qaar kamida safiirada dalalka caalamka, waxaana kulanka oo ay shir gudoomisay wasiirka caafimaadka sido kalena goobjoog ka ahaa wasiirro ka tirsan xukuumadda, iyo qeybaha kala duwan ee bulshada.

Masuuliyiinta Wasaaradda Caafimaadka ayaa ka warbixay meesha uu marayo Qorshaha Qaran ee ka diyaar garowga iyo ka hortagga cudurka coronavirus, waxeyna masuuliyiinta Wasaaradda Carrabka ku adkeeyeen in la diyaarinayo oo ay gabagabo marayaan goobo loogu talogalay in  lagu karantiilo Dadka ka yimaada dalalka uu cudurka saameeyay.

dhinaca kale  qaar kamida deeq bixiyaayasha iyo safiirada ka qeyb galay kulanka ayaa sheegay inay Soomaaliya kala  shaqeyn doonaan ka hortagga cudurka coronavirus oo ay u geeriyoodeen In ka badan seddex kun oo qof.

Wasiirka Caafimaadka Soomaaliya Drs Fowziya Abiikar Nuur oo kulanka kadib warbaahinta la hadashay ayaa tilmaamtay in la isku afgartay in la kordhiyo taxadarka cudurka Coronavirus, islamarkaana Soomaaliya laga taageero sidii cudurkaan ay uga digtoonaan laheyd.

Fowziya Abiikar Nuur Wasiirka Caafimaadka Soomaaliya ayaa ku baaqday in la yareeyo shirarka iyo safaradda dibadda si looga feejignaado halista Coronavirus maadaama kiisaskii ugu horeeyay laga helay dalalka aan dariska nahay ee Kenya iyo Itoobiya .

LEAVE A REPLY

Please enter your comment!
Please enter your name here