Wasaaradda Dastuurka Soomaaliya oo kaalin weyn ka gaysatay wareega 12-aad ee ololaha Isxilqaan ee lagu dhisayo xarumaha danta guud

Iyadoo lagu hawlanyahay horumarinta xarumihii danta guud, isla markaana ay gebagebo marayaan qaybo badan oo kamid ah dhismayaashii dib loogu yagleelay ololaha isxilqaan dalkaaga ku dhiso, ayaa maanta waxaa wareega 12-aad ee ololahan kaalin weyn ka geysatay Wasaaradda Dastuurka Xukuumadda Federaalka Soomaaliya, iyadoo si habaysan u halwgelisay hawlwadeenada Wasaaradda, waxayna shaqo baaxad weyn ka qabteen xarunta madxafka Qaranka oo dhisme iyo dayactir lagu wado.

Agaasimaha waaxda Shaqada iyo Shaqaalaha ee Wasaaradda Dastuuurka Xukuumadda Federaalka Soomaaliya Maxamed Aadan Ganey ayaa ololaha isixlqaan ku tilmaamay mid lagu guulaystay oo aan lagu hungoobin, bacdamaa dayactir iyo dib u dhis loo helay xarumihii danta guud ee ku bur burtay colaadaha.

Sida qorshuhu yahay ololaha isxilqaan ayaa madaxda Qarankeena Soomaaliya la damacsan yihiin inuu noqdo mid si mug weyn u gaara guud ahaan gobolada dalka, isla markaana aan dib ugu dhisano haykalkii ay lahayd hantidii Qarankeena ee gobolada dalka.

LEAVE A REPLY

Please enter your comment!
Please enter your name here