Wasaaradda Ganaciga oo soo saaraysa diiwaan gelin Online ah “SAWIRRO”

Wasaaradda Ganacsiga iyo Warshadaha xukuumadda Soomaaliya ayaa wadda qorshe ay ku soo saarayso hanaanka diiwaan gelinta warshadaha habka Fogaan Arragga ah ( online) kaas oo hadda maraya heer gabagabo ah.

Barnaamijyadan oo hadda ku jira heer tijaabo ah, ayaa qorshahu yahay in dhawaan la daah-furo, waxaana ay Ganacsatada u sahli doonaan in iyaga oo jooga xafiisyaddooda shaqo ay soo dalban karaan daabacana karaan shatiyada Ganacsi ee shirkadahooda. Sidoo kale barnaamijka Xog-kaydiyaha Ganacsiga, ayaa isagu na ah Website weyn oo lagu kaydinaayo guud ahaan xogaha la xidhiidha Ganacsiga oo ay ka faa’idi karaan Ganacsatada iyo Maal-gashadeyaasha doonaya inay wadanka ka sameeyaan Maal-gashiyo waaweyn.

Wasiirka Wasaaradda Ganacsiga iyo Warshadaha, Soomaaliya Khaliif Cabdi Cumar, ayaa boggaadiyey shaqada wanaagsan ee laga qabtay labada barnaamijka, waxaana uu guddi gaar ah u saaray Is-af-garadka Ganacsi ee u dhaxeeya Soomaaliya iyo Uganda kuwaas oo ka soo talo-bixin doona heshiiska Ganacsi ee Soomaaliya la galayso dalka Uganda.

LEAVE A REPLY

Please enter your comment!
Please enter your name here