Wasaaradda Ganacsiga oo bogaadisay dhiirigelinta ganacstada yar yar ee dalka “SAWIRRO”

Wasaaradda Ganacsiga iyo Warshadaha Xukuumadda Federaalka Soomaaliya, ayaa maanta ka qeyb-qaadatay madal loogga hadlaayey sidii maal-gelin dhaqaale looggu heli lahaa shirkadaha yar-yar iyo kuwa dhaxe iyo wax ka qabashada caqabadaha shirkadahaas ka haysta sidii ay maal-gelin uga heli lahaayeen Bangiyada gaarka loo lee yahay iyo hay’adaha maaliyaddeed.

Madashan oo ay soo qaban-qaabisay xarunta kobcinta ganacsiyada yar-yar ee Saanqaad, ayaa waxa halkaas hadal ka jeediyey Agaasimaha shirkadaha yar-yar, kuwa dhaxe iyo iskaashatooyinka ee Wasaaradda Mudane Ibraahim Ciise oo Bangiyada kala duwan ee wadanka ka codsaday inay ganacsatada yar-yar ay u fududeeyaan lacagaha deymaha ah ee ay ku horumarinayaan ganacsiyadooda, maadaama shirkadaha yar-yar iyo kuwa dhaxe ay muhiimad weyn u leeyihiin shaqo-abuurka dhallinyarada iyo guud ahaan horumarka wadanka.

Waxa kale oo uu halkaas lagu soo bandhigay dadallada ay Wasaaraddu ku horumarinayso ganacstada yar-yar gaar ahaan dhinacyada shuruucda, siyaasadaha, mashaariicda iyo weli ba fududeynta ganacsiga iyo dhiiri-gelinta maal-gashiga.

LEAVE A REPLY

Please enter your comment!
Please enter your name here