Wasaaradda Ganacsiga oo sheegtay in Maleeshiyada Shabaab ay ka soo horjeedaan horumarka ganacsi

0
1022

Wasaaradda Ganacsiga ee Xukuumadda Soomaaliya ayaa sheegtay in weerarada ay maleeshiyaadka UGUS ka geesanayaan Hoteelada iyo goobaha kale in ganacsiga ay kaga gol’leeyhiin cuuryaaminta horumarka dhaqaale ee dalka.

Agaasimaha Guud ee Wasaaradda Ganacsiga Mudane Cabdullaahi Xayir Ducaale oo la hadlay Radio Muqdisho ayaa sheegay in ujeedka maleeshiyaadka Ururka Gumaadka Ummadda Soomaaliyeed ee UGUS ay tahay mid ay kaga soo horjeedaan horumarka ganacsi ee dalka ka jirta, waxaana uu ku baaqay in si wada jir ah loola dagaallamo.

“Nimankaasi waxa ay rabaan in meelaha indhaha u ah bulshada sida, xarumaha ganacsi, aqoonyahanka iyo kuwa kale oo bulshada waxgal u ah inay baabi’iyaan, sababtuna waxa ay diidanyihiin horumarka ganacsi ee dalka, marka shacabkana waxaan leeyahay haka cabsanina hagar daamada ay maleegayaan Shabaab” ayuu yiri Mudane Cabdullaahi

Agaasimaha Guud ee Wasaaradda Ganacsiga Mudane Cabdullaahi Xayir Ducaale oo ka mid ah dadkii ay ciidamada amniga ka soo badbaadiyeen weerarkii Hotelka Maka Al-Mukarama ayaa ammaan u jeediyay ciidamada, sida ay ugu guuleysteen inay soo badbaadiyaan dadkii Hotelka ku xanibnaa.

 

Did you like this? Share it:

LEAVE A REPLY

Please enter your comment!
Please enter your name here