Wasaaradda Haweenka iyo Horumarinta Xuquuqda Aadanaha XFS oo wadda ololaha wacyigelinta ka hor tagga COVID-19 “SAWIRRO”

Wasaaradda Haweenka iyo Horumarinta Xuquuqda Aadanaha Xukuumadda Federaalka Soomaaliya ayaa wadda ololaha wacyigelinta ka hor tagga safmarka COVID-19, shaqaalaha waaxda arrimaha bulshada ee wasaaradda, ayaa maanta dugsiga 21 October ee degmada Waaberi ka qeybiyay af-xirka ama Face Maska iyo dareeriyaasha jeermis dilaha ah ee handi sanitizers.

Agaasimaha guud ee wasaaradda Haweenka mudane Isxaaq Xaashi Jimcaale, ayaa kormerey sida uu u socda ololaha wacyigelinta cudurka coronavirus, isagoo la kulmay maamulka dugsiga 21 October.

Ololahan oo ay iska kaashadeen wasaaradda haweenka iyo hey’adda UNICEF Soomaaliya  ayaa isugu jira qeybinta agabka lagaga hor tagayo safmarka corona iyo in dadka lagu buraarujiyo in ay qaataan tallaalka COVID-19, maadaama kiisaska cudurka ay soo badanayaan, sida bahda caafimaadka sheegeen.