Wasaaradda Maaliyadda Galmudug oo dhageysatay tabashooyin ay qabeen ganacsatada “SAWIRRO”

Wasiirka Wasaradda Maaliyadda ee Dowlad Goboleedka Galmudug Farxaan Cali Maxamuud ayaa kulan wadatashi la xiriira hannaanka dib-u-hagaajinta canshuuraha Galmudug kula qaatey magaalada Samareeb ee xarunta Maamulka, qaar ka mid ah ganacsatada Galmudug oo isaga yimid ilaa dhowr magaalo.

Qorshaha kordhinta dakhliga gudaha oo dhowrkii bilood ee ugu dambeeyay dhaqangelintiisu socotay ayaa keenay culeesyo dhaqaale oo saameyn ku yeeshey qiimaha lakala siisto maciishadda iyo in uu yaraado dhaq-dhaqaaqa gaadiidka oo si siman ay u saameysay lacagta canshuur ahaanta loo saarey dhamaanba dhinacyadaasi, Waxaana kulankan lagu lafo gurey habka ugu wanaagsan ee Ganacsatada iyo Wasaaradda Maaliyadda uga wada-shaqeyn karaan bixinta canshuurta ku waajibtay gaadiidka iyo agabka ay sidaan, si waafaqsan nidaamka iyo shuruucda u dagsan Wasaaradda Maaliyadda Galmudug.

Kulankan ayaa si qoto dheer looga dhageystay Ganacsatada iyo gaadiidleyda tabashada ay qabaan ee la xiriira hannaanka canshuuraha Gudaha, gaar ahaan cabashooyinka haatan taagan ee ka dhashey canshuurta lagu soo rogey raashinka oo badal ka ah qidmaddii la joojiyey ee hore looga qaadi jiray goobaha ganacsiga.

LEAVE A REPLY

Please enter your comment!
Please enter your name here