Wasaaradda macdanta oo beenisay qoraal lagu daabacay Website-ka Bloomberg

0
1282

Wasaaradda Macdanta iyo batroolka ee xukuumadda Soomaaliya ayaa beenisay war qoraal ah oo uu soo daabacay Website-ka Bloomberg oo ah website ay ganacsato leeyihiin.

La taliyaha Wasaaradda Macdanta iyo batroolka ee dhanka xiriirka caalamiga ah  Ibraahim Cali Xasan oo lahadlay Warbaahinta ayaa beeniyay qoraalka lagu soo daabacay website-ka Bloomberg, isagoo intaa ku daray in Wasaaraddu ay bulshada u caddeyneyso in arrinkaasi aanu waxba ka jirin.

“Shirka jaraa’id waxa uu ku saabsanyahay jawaab ay ka bixineyso Wasaarada macdanta qoraal lagu soo daabacay Website-ka Bloomberg oo sheegayo in shidaalka Soomaaliya 90% waxaa laga yaabaa in la siiyo shirkadda SOMA-OIL, waxayna sheegayaan inay u badantahay in la siinayo shirkaddaasi, iyagoo aan qoraalka ku caddeynin in uu jiro heshiis, runtii kaas ayuu shirka jaraa’id ku saabsanyahay in dowladda ay jawaab ka bixiso, baahi ayaana jirtay in arrintaasi lagaga jawaabo, waxaan Ummadda u caddeyneynaa in qoraalka ku soo baxay Website-kaasi uu yahay mid been abuur ah oo aan waxba ka jirin” ayuu yiri Ibraahim Cali.

Ibraahim Cali Xasan ayaa xusay in Wasaaraddu ay dhawaan arrinkaasi ka soo saartay war-saxaafadeed, isla markaana Wasiirka Macdanta uu si rasmi ay u caddeeyay in warka lagu daabacay Website-ka Bloomberg uu yahay mid waxba kama jiraan ah.

 

Did you like this? Share it:

LEAVE A REPLY

Please enter your comment!
Please enter your name here