Wasaaradda Shaqada oo hirgelineyso Barnaamijka Daryeelka Bulshada

Xukuumadda Soomaaliyeed ayaa sheegtay in dhawaan ay fureyso barnaamijka daryeelka bulshada oo ay ka faa’ideysan doonaan in ka badan 1 milyan oo laga hirgelin doono guud ahaan dalka.

Wasiirka Shaqada iyo arrimaha Bulshada ee Xukuumadda Federaalka Soomaaliya Mudane Sadiiq Xirsi Warfaa oo ka hadlayay barnaamijka kulanka todobaadka ayaa sheegay in dhawaan mashruucaasi uu dalka ka bilaaban doono.

“Wasaaraddu waxa ay gaari doonto dad lagu qiyaasayo labo boqol oo konton oo qoys, 1,2 Milyan oo dad ah barnaamijka Daryeelka bulshada oo laga hirgelin doono guud ahaan Soomaaliya oo ay ku jirto Somaliland, barnaamijkan dadka nugul iyo kuwa ay xoolaha ka dhamaadeen ee magaalada soo aaday in lagu hayo deegaannadooda, waxaana gacan ka geysan doono bankiga Adduunka” ayuu yiri Wasiirka.

Wasiirka ayaa xusay in barnaamijkan loogu faa’iideyn doono dadka saboolk ah oo lacago la siinayo si ay u helaan adeegyada aas aasiga u ah noloshada, isagoo intaa ku daray in dhawaan la daah furay barnaamijka, qorshahuna uu yahay sidii loo hirgelin lahaa barnaamijkaas.

LEAVE A REPLY

Please enter your comment!
Please enter your name here