Wasaaradda Warfaafinta oo Shacabka iyo Warbaahinta hambalyada 21-ka Jannaayo u dirtay

1410

Wasaaradda Warfaafinta Hannuuninta Dadweynaha ayaa ugu hambalyeysan dhammaan shacabka Soomaaliyeed sanad guurada 43-aad ee ka soo wareegatay xuska Afka Soomaaliga oo ku beegsan 21-ka Jannaayo.

Agaasimaha Guud ee Wasaaradda Warfaafinta iyo Hannuuninta Dadweynaha, mudane C/risaaq Cali Yuusuf (Bahlaawi) oo ka hadlayey Qalabka Warbaahinta Qaranka ayaa sheegay in marxalado kala duwan uu soo maray af Soomaaliga, isla markaana uu ugu hambalyeynayo dhammaan shacabka Soomaaliyeed iyo guud ahaan habda Warbaahinta Soomaaliyeed.

“21-ka Jannaayo waa maalintii ugu horeysay ee uu soo baxay Wargeyskii Xiddigta Okotoober, isla markaana ku asteysan xuska sanad guurada af Soomaaliga, afartii marxaladood ee la soo maray waxyaabo badan ayaa laga dhexgal oo ay ka mid aheyd marxaddii ugu dambeysay ee uu dalka ku jiray bur-burka, 43, sanno ayaa ka soo wareegatay markii uu soo baxay wargeys Af Soomaali ku qoran, ka hor waxaa soo bixi jiray 11 wargeys oo luuqado kale ku qornaa, waxaana hubaa in warfaafinta ay door muuqda ku leedahay in Af-Soomaaliga la badbaadiyo oo shabiga lagu baahiyo muhiimadda xuska maalintaan muhiimka ah” ayuu yiri agaasimaha Guud ee Wasaaradda Warfaafinta.

Did you like this? Share it:

LEAVE A REPLY

Please enter your comment!
Please enter your name here