Wasaaradda Waxbaradda Soomaaliya oo dib u dhigtay Imtixaanka Shahaadiga ee Baladweyne+Sawirro

0
1267

Wasaaradda Waxbaradda, Hidaha iyo Tacliinta Sare ee Soomaaliya waxaa ay sheegtay in dib loogu dhigay Ardayda Imtixaanka Shahaariga ee Dugsiga Sare kasoo gali laheyd Magaaladda Baladweyne ee Gobolka Hiiraan kadib markii Magaaladda Saameyn ku yeeshay Wabigga Shabeelle oo ku fatahay Magaalada.

Wasiirka Wasaaradda Waxbarashadda C/raxmaan Daahir Cusmaan oo Warbaahinta Qaranka Wareysi siiyey ayaa tilmaamay in 1,400 oo Arday oo Imtixaanka ku gali laheyd Magaaladda Baladweyne dib loogu dhigay.

“Illaa iyo hadda waxaan Imtixaanka dib ugu dhignay Magaaladda Baladweyne Ardaydii kasoo gali lahyed sababtoo ah waxaa ka dhacay Musiibo Suurto galna maaha Imtixaan in aan ka qaadno sidaas darteen ayaana dib ugu dhignay, Waxaan sidoo kale dib kasoo sheegi doonaa xiliga lagalayo Imtixaanka haddii Allah idmo”

Wasiir C.raxmaan Daahir ayaa sheegay dhanka kale in sidii hore loogu balamay Imtixaanka lagali doono 19 Bishan loona diyaar garoobay.

“Waxaan u diyaar garownay Imtixaanka Shahaariga ah xiligii loogu tallo galay, waxaana Imtixaanka markii ugu horeysay lagu daabacay gudaha Dalka taasna waa Hormar aan gaarnay”

Sidoo kale Wasiirku waxaa uu ka hadlay Iskuulaadka Dowladda Qorshayaasha laga damacsan yahay waxaana uu sheegay in dhawaan marka la-meel mariyo Sharciga Waxbarashadda arrintaas Xooga la-saari doono.

Magaaladda Baladweyne ee Gobolka Hiiraan ayaa waxaa ku fatahay Wabiga Shabeelle kaas oo sababay in qeybo badan oo kamidda dadkii Daganaa Magaalada ay isaga Barakaan, sidoo kalena ay xirmaan goobihii muhiimka u ahaa Bulshadda kuwaas oo ay kamid yihiin Xarumaha Waxbarashadda.

W/D Cali Axmed Sh

Did you like this? Share it:

LEAVE A REPLY

Please enter your comment!
Please enter your name here