Wasaaradda Waxbarashada ee K/galbeed oo shaacisay xilliga la gelayo imtixaanka

0
1036

Wasaaradda Waxbarashada Maamulka Koonfugalbeed ee dalka ayaa shaacisay xilliga la qaadayo imtixaanka shahaadiga ah kaddib kulamo wada tashi ah oo ay la yeesheen mas’uuliyiinta Wasaaradda Waxbarashada ee Xukuumadda Federaalka ah ee Soomaaliya.

Wasiirka Waxbarashada iyo bar baarinta Maamulka Koonfur galbeed ee Soomaaliya Maxamed-nuur Cali Caliyow oo la hadlay Warbaahinta Qaranka ayaa sheegay in Muqdisho uu dhawaan kulan kula qaatay Madaxda Wasaaradda Waxbarashada iyo tacliinta sare ee xukuumadda Soomaaliya, waxaana uu waalidiinta ka codsaday in carruurta Soomaaliyeed ay u ogolaadaan ka qeyb galka imtixaanka midka ah ee ardayda laga qaadayo.

“Waxaa la joogaa sanad dugsiyeedka 2014-2015, waxaan dhawaan socdaal kaga soo laabtay Muqdisho, halkaasi oo aan ku wada kulanay Madaxda Wasaaradda Waxbarashada, waxaana isku afgaranay in imtixaan mid ah laga qaado ardayda dhigata dugsiyada sare ee ku yaalla bartamaha iyo koonfurta Soomaaliya, si loo helo hal shahaaddo, waxaana la galayaa 13-ka bisha lixaad ee sanadkan” ayuu yiri Maxamed-nuur.

Did you like this? Share it:

LEAVE A REPLY

Please enter your comment!
Please enter your name here