Wasaaradda Waxbarashada, Hiddaha iyo Tacliinta Sare oo daah-furtay kulanka wada-tashiga warbixinta dib u eegista Waxbarashada dalka “SAWIRRO”

Wasaaradda Waxbarashada, Hiddaha iyo Tacliinta Xukuumadda Federaalka Soomaaliya ayaa Magaalada Muqdisho ka daah-furtay kulanka wada-tashiga warbixinta falanqeynta Waxbarashada dalka (Education Sector Analysis) si loogu diyaar garoobo sameynta qorshihii 3aad ee Horumarinta Waxbarashada ee Muddada 5ta sano ee soo socota.

Agaasimaha Guud ee Wasaaradda Waxbarashada, Hiddaha iyo Tacliinta Sare ee Dowladda Federaalka Somaaliya Mudane Maxamed Caabbi Xasan oo daah-furay kulka ayaa uga mahadceliyay ka qayb galayaasha waqtiga ay soo hureen, kulana dar-daarmay inay fikradahooda iyo taladooda ku biiriyaan warbixinta laga diyaariyay xaaladda waxbarashada dalka iyo sidii u badka Somaaliyeed ayna u heli lahaayeen Waxbarasho munaasib ku ah looguna geliyay qeybaha Waxbarashada oo dhan.

Kulankan waxaa ka soo qayb galay Madax ka socotay Wasaaradda Waxbarashada heer federaalk, Agaasimka Waxbarashada Gobolka Banaadir iyo bahda waxbarashada oo ay ka mid yihiin Jaamacadaha, Midowga dalladaha Waxbarashada iyo hay’adaha taageera waxbarashada Somaaliya.

Kulankan ayaa waxaa uu socon doonaa muddo labo maalmood ah waxaana la filayaa inay ka soo baxaan talooyin lagu biirinayo warbixinta, kuwaasi oo muhiim u ah diyaarinta Qorshaha 3aad ee Horumarinta  waxbarashadda dalka.

LEAVE A REPLY

Please enter your comment!
Please enter your name here