Wasaaradda waxbarshada oo dib u dhigtay waqtiga la qaadayo Imtixaanka

2947

Imtixaana mideysan ee ay qaadeyso wasaarada waxbarashada iyo tacliinta sare ee xukuumadda federaalka Soomaaliya oo lagu waday in uu ka bilowdo caasimada iyo gobolada dalka si isku mid ah  13 bishaan Juun ayaa wasaaradu maanta shaacisay in dib loo dhigay mudo laba bari ah sababo jira awgood .

Wasiir ku xigeeenka wasaarada waxbarashada iyo tacliinta sare mudane Xaamud Cali Xasan oo warbaahinta qaranka la hadlay ayaa waxaa uu ku dhawaaqay dib u dhaca iyo waxyaabaha keeenay.

“Waxaan ogeysiineynaa ardayda sanad dugsiyadeeda 2014 -2015 ka imtixaanka gali lahayd ee lagu balansanaa maalinta sabtida ee bishu 13 tahay Juun in la galo in labo cisho aan ku darnay oo la gali doono bisha 15 keeda maalinta Isniinta ah taasoo ah arimo farsamo awgooda iyo ID yadii oo aan wax ka saxeyno iyo ardada oo nagu soo badatay oo hadda is diiwaan galineysa awgeeed ayaan dib ugu dhignay Marka waxaan dadka ogeysiineynaa in howsheenu noogu noqoto howl dhameestiran  in maalinta isniinta dib loogu dhigo Imtixaanka “ayuu yiri wasiirka.

Wasaarada waxbarashada xukuumada federaalka Soomaaliya ayaa waxaa ay dhawaanahaanba dadaal ugu jirtayt suura galinta in ardada dhigatay dugsiyada sare ee ku yaala gobolada bartamaha iyo koofurta Soomaaliya laga qaado imtixaan mideysan dhowr iyo labaatan sano ka dib waxaana aad u soo dhaweeyay dadaalka wasaarada qaybaha bulshada Soomaaliyeed.

Did you like this? Share it:

LEAVE A REPLY

Please enter your comment!
Please enter your name here