Wasaaradda Waxbarashada oo sagootisay dhalinyaro deeq waxbarasho ka heley Itoobiya+sawirro

1293

Munaasabad kooban oo lagu sagootinayay 20 dhaliyaro ah oo ka kala socotay hay’adaha kaladuwan ee dowladda oo  deeq waxbarasho ka heley Dalka Itoobiya Waxaa ka qeybgalay mas’uuliyiinta wasaaradda waxbarashada iyo Danjiraha Itoobiya u fadhiya Soomaaliya.

Lataliyaha taclinta sare ee wasaaradda Ismaaciil Yuusuf Cismaan ayaa ku booriyay dhalinyaradan in ay ka faa’idaystan fursadan ay dowladdu siiyay,isagoo xusay in deeqaha waxbarasho ay ku bixinayaan qaab cadaaladda ku salaysan.

Jamaaludiin Mustaf Safiirka Itoobiya ee Soomaaliya ayaa sheegay in tani ay qeyb ka tahay xoojinta xiriirka walaaltinimo ee ka dhexeey alabada dal.

“Waxa ay ka mid tahay arrintan iskaashiga labada dal ka dhexeeya Itoobiya iyo Soomaaliya,wuu balaaran yahay iskaashiga balse qeyb kamid ah waaye,waxaa barnaamijkan barbar socda sanadkasta minxada waxbarasho ee aan siino Soomaaliya,Bartamaha iyo Koonfurta Soomaaliya sanadkan 190 ayaa siinay todobaadkan ayuu dhamaandoonaa”. Ayuu yiri Danjire Jamaaludiin Mustafa.

Wasiiru dowlaha Waxbarashada iyo Taclinsta sare C/raxmaan MAxamuud Cabdulle Jaabiri ayaa uga mahadceliyay dowladda Itoobiya deeqdan waxbarasho,wuxuuna xusay in labada dal u ka dhexeeyo xiriira dhinacyo kaladuwan leh.

“Muhiimadda aan ka leenahay arrimaha waxaa asal u ah labo arrimood,kow in ay qeyb u noqoto xiriirka labada dowladood oo aqoonta la isdhaafsado,tan labaad in aad wax soo barataan kadib aad dalkiina ku soo laabataan si aad wax ugu qabataan,marka waxaan rajeynaynaa in ardayda kale ay ka imaan doonaan dowlad goboleedyada”.

 

Did you like this? Share it:

LEAVE A REPLY

Please enter your comment!
Please enter your name here