Wasaaradda Waxbarashada XFS oo dib u dhigtay imtixaanka Shahaadiga ee dugsiyada dalka

Wasaaradda Waxbarashada Hiddaha iyo Tacliinta sare ee Xukuumadda Federaalka Soomaaliya ayaa sheegtay in iyada oo tixgelineysa talooyinka caafimaad ee la xiriira ka hortagga cudurka karoona fayras uusan ku dhici Karin xilligii loogu talagalay imtixaanka fasalada 12-aad iyo 8-aad ee dugsiga sare iyo kan dhexe.

War ka soo baxay wasaaradda ayaa lagu wargeliayay ardayda Soomaaliyeed in waqtiga rasmiga ah ee la qabanayo imtixaanka wasaaradu ay la wadaagi doonto.

“Wasaaradda waxbarashada Hiddaha & Tacliinta Sare ee XFS oo tixgalineysa talooyinka caafimaad ee la xiriira ka hortagga & xakameynta cudurka dilaaga ah ee COVID-19, ayaa waxa ay ku wargalineysa ardayda Soomaaliyeed ee ku guda jira diyaargarowga imtixaanka fasalka 12aad & 8aad in uusan ku qabsoomi karin xilligii loogu talagalay. Waqtiga rasmiga ah ee uu dhacayo imtixaanka dib ayaa laga soo sheegi doona. Mahadsanidiin”ayaa lagu yiri war ka soo baxay Wasaaradda Waxbarashada Soomaaliya.

Dowladda federaalka Soomaaliya ayaa dhawaan fasaxday illaa amar dambe goobaha waxbarashada si looga hortago cudurka Covid19 oo illaa hadda 7 kiis laga helay dalka.

LEAVE A REPLY

Please enter your comment!
Please enter your name here