Wasaaradda Waxbarashada XFS oo shaacisay waqtiga uu furmayo Imtixaanka Shahaadiga ee Dugsiga sare

0
502

Wasiirka Wasaaradda Waxbarashada,Hidaha iyo Tacliinta sare Dr. C/raxmaan Daahir Cusmaan oo shalay shir jiraa’id ku qabtay magaalada Muqdisho ayaa sheegay in Wasaaradda Waxbarashada ay qabaneyso Imtixaanka Shaadiga ee Dugsiga sare ee sanad Dugsiyeedka 2017 iyo 2018-ka.

Wasiirka Waxbarashada,Hidaha iyo Tacliinta sare ee Xukuumadda Soomaaliya Dr. C/raxmaan Daahir Cusmaan ayaa sheegay in imtixaanka sanadkan ay ka qeyb geli doonaan 27-kun oo Arday,isagoona tillmaamay in imtixaanka uu ka qabsoomayo dhamaan maamul Gobolleedyada dalka iyo Gobolka Banaadir.

Sidoo kale,Wasiirka ayaa hoosta ka xariiqay in Imtixaanka Shahaadiga ee Dugsiga sare oo lagu diyaariyay dalka gudihiisa la qaban doono 19-ka bisha May ee sanadkan 2018-ka,waxaana Qarashaadka ku baxaya dhamaan bixinaya Dowladda Federaalka Soomaaliya.

Ugu danbeyntii,Dr. C/raxmaan Daahir Cusmaan,Wasiirka Waxbarashada,Hidaha iyo Tacliinta sare ayaa bogaadiyay Hay’adaha amaanka sida hufan ee uga qeyb qaataan sugida ammaanka dhammaan xarumaha Waxbarasho ee lagu qabto Imtixaanaadka Dugsiyada sare ee Dowladda ay qaato.

Did you like this? Share it:

LEAVE A REPLY

Please enter your comment!
Please enter your name here