Wasaaradda Xanaanada Xoolaha oo ka digtay in la dhisto xarumihii ku bur buray dagaalladii ka dhacay dalka

Wasiir ku-xigeenka Xanaada Xoolaha, Dhinta iyo Daaqa ee Xukuumadda Soomaaliya Mudane Cabdinaasir Gaarane Maxamed oo ay wehliyaan Agsimyaasha Wasaradaasi ayaa waxaa uu  maanta howl kormeer ah ku tageen xaruntii Wasaaradda Xanaada Xoolaha oo ku taal duleed maqaalada Muqdisho iyo xarumo kale.

Ujeedda kormeerka Wasiir ku-xigeenka Xanaanada Xoolaha Dhirta iyo deeqa ayaa aheyd sidii ay ugu kuur gali lahaayeen xarumaha Wasaaradda ee ku bur buray dagaaladii dalka ka dhacay, oo ay qorsheynayaan in dib u dayactir lagu sameeyo xarumahaasi.

Wasiir ku-xigeenka Xanaada Xoolaha, Dhirta iyo Daaqa Mudane Cabdinaasir Gaarane Maxamed ayaa sheegay in Wasaaraddu ay bilaabeyso dhawaan mushaariic lagu dhisayo Xarumaha Wasaarada, isagoo ugu baaqey dadka xilligaan degan xarumaha Wasaaradda iney isaga baxaan si loo dhiso, isla markaana loogu adeego bulshada.

Mudane Cabdinaasir Gaarane Maxamed oo hadalkiis sii wata ayaa uga digay bulshada Soomaaliyeed inay iibsadaan dhulalka Wasaaraddu leedahay, isagoo tilmaamay in ciddii lacag iska gelisaha xarumaha Wasaaradda lagala wareegi doono, guryaha uu ka dhisto goobahaasi.