Washington oo xayiraadii hubka ka qaaday Qubrus, kadib markii uu Turkiga bilaabay dhaqdhaqaaqyo Milatari

Xoghayaha arrimaha dibadda Mareykanka Mike Pompeo ayaa sheegay in dalkiisa uu qaaday xayiraadihii saarnaa Qubrus ee ku saabsanaa iibinta agabaka difaaca, Turkiga ayaa dhaleeceeyay tallaabada Mareykanka uu qaaday wuxuuna si maldahan u sheegay inuu qaadayo tallaabooyin uu kaga jawaabayo arrintaas.

War qoraal ah oo uu bartiisa Twitter-ka  ku baahiyay ayuu Pompeo ku tilmaamay i Qubrus  in ay tahay saaxiibka Mareykanka ee bariga Mediterranean-ka, waxuuna intaasi ku daray inuu ka shaqeynayo sidii loo sii xoojin lahaa iskaashiga xagga ammniga ah ee ka dhaxeeya.

Dhinaceeda Wasaaradda Arrimaha Dibadda Turkiga ayaa dhaleeceysay go’aanka Mareykanka ee xayiraadda hubka looga qaaday Qubrus.

Qoraal ka soo baxay Wasaaradda Arrimaha Dibadda ayaa lagu sheegay in go’aankaas uusi cadd sumeeyey jawiga nabadda iyo xasilloonida gobolka, isla markaana uu ka hor imanayo heshiisyadii hore iyo iskaashigii labada dal.

Maalintii Talaadada aheed Waqooyiga Qubrus oo sidoo kale loo yaqaano (Turki Cyprus) ayaa dhaleeceeyay go’aanka Mareykanka ee ah in laga qaado cunaqabateynta hubka ee saaran Qubrusta dhanka  Giriigga.

Turkiga wuxuu dhawaan bilaabay dhoolatus milatari oo dhanka bada ah isaga oo adeegsanaya Rasaas nool waxana dhoola tuskani intiisa badan uu ka dhacay xeebta magaalada Iskanderun ee bariga Badda Mediterranean-ka.

Turkiga wali  waxuu sii wadaa sameeynta dhoola tus dhanka Badda ah, waxuuna ka wadaa  gooba kale oo ka baxsan xeebta bariga Mediterranean-ka, taasi oo soo bilaabatay 29-kii bishii tagtay, sida ay sheegayaan saraakiisha militariga, waxay ujeedadoodu tahay in la kordhiyo astaamahooda baddeed ee ka qeyb qaadanaya dhoola tuska Milatari.

Wasiirka arrimaha dibadda Mowlud Jawish Oglo ayaa dhankiisa sheegay in Giriigga uu qaadayo tillaabooyin daandaansi ah oo dhanka badda Mediterranean-ka , iyada oo ay taageerayaan qaar ka mid ah dalalka reer Yurub.

Wuxuu intaa ku daray in jasiiradda Meiss  oo cabirkeedu  yahay 10 km2 ay 580 Km u jirta Griiga  halka 2 Km oo Qurah ay u jirto Antalya.

Mowlud Jawish Oglo ayaa carabka ku adkeeyay  intii uu ku guda jiray shir jaraa’id oo uu ku qabtay magaalada Ankara  xilli uu dhinac taagnaa dhigiisa Algeria in shacabka iyo madaxda Turkigaba aanay marnaba aqabali doonin xadgudub kasta oo la damacsanyahay dalkooda.

 

LEAVE A REPLY

Please enter your comment!
Please enter your name here