Wasiir Bayle oo Hambayo u diray Ciidanka Xoogga dalka Soomaaliyeed Sanadguurada 60-aad

Wasiirka Maaliyadda Xukumadda Federaalka Soomaaliya Cabdiraxmaan Ducaale Bayle ayaa hambalyo u diray Ciidamada Xoogga dalka Soomaaliyeed taasi oo ku aadan munaasabada iyo aas aaska ciidabka xooga dalka oo maanta u dabaal degaya sanadguurada 60-aad ee Ciidanka Xoogga dalka.

Wasiir Bayle ayaa barta uu ku leeyahay facebok ku qoray qoraal uu ku dhiiri gelinayo howl-gallada ay kawadaan guud ahaan dalka kuwaasi ay kasoo gaareen guulo waa weyn Kooxaha nabad diidka ee argagixisada .

Wasiirka Maaliyadda XFS Cabdiraxmaan Ducaale Bayle

“Waxa aan halkaan Hambalyo u dirayaa dhamaan Ciidanka Xoogga Dalka oo ay maanta ku beegantahay Taariikhdii la aas-aasay, maanta oo kale 12 April 1960”ayuu yiri Wasiirka Maaliyadda ee Xukumadda Federaalka Soomaaliya Cabdiraxmaan Ducaale Bayle.

 

Waxaa kaloo wasiirku sheegay in Milatariga Soomaaliyeed ee har iyo habeen u hurayaan Naftooda  difaacidda Danta, Dalka, Dadka iyo Diinta waxa ay naga mudanyihiin dhiirigalin iyo garab istaagid.

Gabo gabii Wasiirka Maaliyadda Dowladda Soopmaaliya Cabdiraxmaan Ducaale Bayle ayaa u rajeyay in ay sii wadaan howlaha lagu  difaacayo qaranka, hase ahaatee Ciidamadu ay u baahanyihiin in waqti walbo la garab istaago.

12-ka April 1960-kii waa xilligii la aas aasay ciidanka Xoogga dalka Soomaaliyeed, kwaxaana lagu Aasaasay ciidan ka kooban 8 horrimood, oo lagu magcaabi jiray waqtigaa Cali Boobaaye, ciidankaasi ayaa tiradiisu ahayd 2000 oo Askari, oo laga kala qoray 6 gobol oo ka tirsan gobollada koonfureed ee Gumeystihii Talyaaniga gumeysanjiray, Degmo kasta waxaa laga soo xulay 50 Askari, oo tababarka, ama kuruudku ciidanka ku qaatay Xerada Bootiko, oo markii dambe loo bixiyay Dugsiga Tababarka Ciidamada ee Xalane.

LEAVE A REPLY

Please enter your comment!
Please enter your name here