Wasiir Beyle “Dalal badan ayaa doonaya inay safaarado ka furtaan caasimadda” SAWIRRO+DAAWO”

3008

Siihayaha Wasiirka Arrimaha Dibadda iyo maalgeshiga ee Soomaaliya mudane Cabdiraxmaan Ducaale Beyle oo dalka dib ugu soo laabtay ayaa markii uu ka soo degay garoonka Diyaaradaha caalamiga ah ee Aadan Cadde waxa ku soo dhaweeyay xilhibaanno, mas’uuliyiin ka tirsan Wasaaradda iyo xubno kale, waxaana shir jaraa’id oo uu ku qabtay gudaha garoonka kaga hadlay socdaal uu kaga soo laabtay dalka Cuman, halkaasi oo uu kula kulmay dhigiisa dalkaasi Dr Yuusuf Al-Calawi oo ay ka wada hadleen xoojinta xiriirka labada dal iyo inay ka qeyb qaataan horumarka dalka.

Mudane Cabdiraxmaan Ducaale Beyle ayaa xusay in dhigiisa Cumanan ay isla soo hadal qaadeen inay dib u furtaan safaaradii ay ku lahaayeen dalka, ayna dhawaan Muqdisho u soo diri doonaan wafdi indho indheeya halka ay safaarad ka furanayaan.

“Waxaan ka wada hadalnay in ay dib u furtaan safaaraddooda, ayna soo dirsadaan wafdi horudhac ah oo indho indheeya halka ay degayaan, runtii arrimo kale ayaynu ka wada hadalnay oo ay ka midtahay inay wax u qabtaan jaaliyadda Soomaaliyeed ee dalka Cuman ku nool” ayuu yiri Mudane Beyle.

Siihayaha Wasiirka arrimaha dibadda iyo maalgeshiga Soomaaliya ayaa hoosta ka xariiqay in magaalada Nairobi ee xarunta Dalka Kenya uu kula kulmay safiirada dalalka Koonfur Kuuriya iyo Jabaan ee Soomaaliya u qaabilsan kuwaasi oo uu kala hadlay inay halkan ka furtaan safaaradahooda, ayna ka qeyb qaataan dib u dhiska dalka, isagoo xusay in ay jirto lacago dowladda Jaban ay ugu talagashay in wax loogu qabto bulshada Soomaaliyeed.

“Safiirka Koonfur Kuuriya waxaan ka wada hadalnay in ay tababaro siiyaan shaqaalaha Wasaaradda oo dhanka diblomaasiyadda ay ka baraan, sidoo kale safiirka Jabaan waxaan isla aragnay lacago ay dowladda Japan ugu talagashay in Soomaaliya wax loogu qabto, kuwaasi oo aan raadinaynay halka ay ku bixinayaan, wuuna noo sheegay in hay’ado gaar ah ay lacagta u dhiibeen si mashaariic horumarineed loogu fuliuyo” ayu u markale Wasiirku hadalkiisa ku daray.

Mudane Cabdiraxmaan Ducaale Beyle ayaa xusay in shirka Jaamacadda Carabta ee bisha Marso ee sanadkan ka furmaya magaalada Sharma-sheeq ay horgeyn doonaan qorsheyaal la xiriiira sidii ay Soomaaliga uga caawin lahaayeen dib u dhiska dalka.

Arrintan ayaa qeyb ka ah dadaallada Wasaaradda Arrimaha dibadda ee Soomaaliya ugu jirto xoojinta xiriirka saaxiibtimo ee la leedahay wadamada caalamka.

DAAWO

vlcsnap-2015-01-22-12h24m16s111

vlcsnap-2015-01-22-12h24m43s128

vlcsnap-2015-01-22-12h24m54s242

vlcsnap-2015-01-22-12h25m00s44

vlcsnap-2015-01-22-12h25m04s96

vlcsnap-2015-01-22-12h25m08s130

vlcsnap-2015-01-22-12h25m12s166

vlcsnap-2015-01-22-12h25m15s203

vlcsnap-2015-01-22-12h25m18s238

vlcsnap-2015-01-22-12h25m25s10

vlcsnap-2015-01-22-12h25m30s81

vlcsnap-2015-01-22-12h25m37s163

vlcsnap-2015-01-22-12h25m43s210

vlcsnap-2015-01-22-12h25m48s6

vlcsnap-2015-01-22-12h26m15s14

vlcsnap-2015-01-22-12h26m34s216

vlcsnap-2015-01-22-12h26m37s3

Did you like this? Share it:

LEAVE A REPLY

Please enter your comment!
Please enter your name here