Wasiir Beyle ”Miisaaniyadda waa tii ugu horeysay oo lagu daro qoondada Caafimaadka iyo waxbarashada Dadweynaha”

0
2220

Ajendaha Kulanka Mudanayaasha Golaha Shacabka oo uu shir Guddoominaya Gudoomiye ku-xigeenka labaad ee Golaha Shacabka Mudane Mahad Cabdalla Cawad ayaa waxaa uu ahaa soo gudbinta Wasiirka Wasaaradda Maaliyada ee u aadan Qoondada Miisaaniyada 2018-ka oo ay Wasaaradda Maaliyada soo diyaarisay, waxaana Golaha ka hor akhriyay Wasiirka Wasaaradda Maaliyadda ee Xukuumadda Federaalka Soomaaliya Mudane Dr Cabdiraxmaan Ducaale Beyle oo sidoo kale golaha shacabka Faah-faahin ka siiyay waxyaabaha Miisaaniyadan ay kaga duwantahay miisaaniyadii sanadkii hore.

“Mudanayaal waxaan idiin sheegayaa in Miisaaniyaddaan ay ka duwantahay kuwii hore, maxaayeelay waxaa ku jirta $3Milyan oo Caafimaadka Dadweynaha iyo ku dhawaad $6Milyan oo Waxbarashada Dadweynaha aan ugu talagalnay” ayuu yiri Wasiir C/raxmaan Ducaale Bayleh.

Guddoomiye kuxigeenka labaad ee  golaha shacabka  ayaa sheegay in maanta aysan jirin dood la gelinayo miisaaniyada maadaamaa ay tahay soo gudbinta miisaaniyada oo keliya.

Ugu dambeyn kalfadhiga labaad kulankiisa 31-aad ayaaa waxaa soo xiray guddoomiye kuxigeenka labaad ee golaha shacabka oo kulanka maaanta shir guddoominayay.

 

Did you like this? Share it:

LEAVE A REPLY

Please enter your comment!
Please enter your name here