Wasiir Cawad oo kulamo la leh Madax ka socota Caalamka “SAWIRRO”

1044

Wasiirka arrimaha dibadda ee Soomaaliya Mudane Axmed Ciise Cawad iyo Wafdi uu hogaaminayo oo maalmahan ku sugnaa Magaalada New York ee dalka Maraykanka ayaa waxa ay ka qeybgalayaan shirka sanadlaha ah ee Qaramada Midoobay kaas oo lagu qabto xaruntooda ee magaalada New York.

 

Waxa uu Wasiirku shirkan ku matalayaa Dowladda Soomaaliya isaga oo jeedin doona qudbadii Madaxweyne Farmaajo ka jeedin lahaa Shirka madaxda aduunka ee Qaramada Midoobay.

Shalay ayuu Wasiirku kulan la qaatay qaar ka mid ah Jaaliyadda Soomaaliyeed ee Maraykanka kuwaas oo ka kala yimid goboladda dalkan, waxayna kawada hadleen arrimo badan oo la xariira marxaladda uu ku suganyahay dalka Soomaaliya, kaalinta Jaaliyadda, isku xirka Qurba joogta iyo Horumarka dalka .

Wasiir Cawad waxa uu sidookale kulamo gooni gooni ah la qaatay qaar ka mid ah madaxda caalamka ee ka qaybgalaysa shirka, iyaga oo is dhaafsanayay xaaladaha dalalkooda, isbadalada caalamka iyo iskaashi caalami ah oo dhex mara wadamada caalamka si loo gaaro himilooyin ku dhisan horumar iyo si dhexgal.

Qudbada uu jeedin doono Wasiirka ayuu diiradda ku saari doonaa  xaaladda Soomaaliya, sida arrimaha Amniga, dhaqaalaha, Dowladnimada iyo wax walba oo horumar ah oo ay dowladu qabatay iyo hadii ay jiraan wax caqabada oo ku xeeran gaar ahaan sidii loo xoreyn lahaa deegaanada ay Al-Shabab gacanta ku hayaan.

Deeqo Shire (SONNA)

New York

Did you like this? Share it:

LEAVE A REPLY

Please enter your comment!
Please enter your name here