Wasiir Dhuubow “Wasaaraddu uma dulqaadan doonto in la hor istaago horumarinta Isboortiga” SAWIRRO

Kulan qado ah, isla markaana lagu dhiirigelinayay Hana Xasan Mire oo ah gabar Soomaaliyeed, oo soo diyaarisay tartan kubadda kolleyga ah oo ay ka qeyb gali lahaayeen gabdho Soomaaliyeed oo ka socday dalka Isuta Imaaraadka Carabta balse xiriirka kubadda kolleyga ay horjoogsadeen ayaa waxaa ka qeyb galay Wasiir ku-xigeenka Isboortiga, Cismaan Aadan Dhuubow, Saciid Jaamac qoorsheel iyo bahda isboortiga ayaa lagu qabtay Muqdisho

Tartanka ay Hana soo qaban qaabisay oo ah mid ay ka qeyb galeen wadamada Carabta, isla markaana furmay 2-dii bishan, kuna eg 12-ka bishan ayaa waxaa gabdhahii Soomaalida ee ka qeyb geli lahaa loogu diiday warqad ka timid xiriirka kubada kolleyga, oo ahayd in aysan ka qeyb geleynin tartankaasi, taasi oo keentay in bahda isboortiga ay aad uga xumaadaan.

Nasro Maxamed Maxamuud, Ilhaan Qaasim Cabdi iyo Ibraahim Xuseen Cali Roobme ayaa si wada jir ah u sheegay inay aad uga xunyihiin tallaabada ay xiriirka kubadda kolleyga sameeyeen.

Saciid Jaamac Qoorsheel Wasiirkii hore ee gaadiidka, kana mid ah bahda isboortiga dalka ayaa wax laga xumaado ku tilmaamay in dad u adeegaya horumarinta isboortiga dalka lagu dhiiri gelin waayo waxyaabaha ay soo diyaariyeen, waxaana uu intaa raaciyay in Wasaaradda Isboortiga looga baahanyahay inay doorkeeda ka qaadato arrinta dhacday.

Wasiir ku-xigeenka dhalinyarada iyo isboortiga dalka Mudane Cismaan Aadan Dhuubow ayaa sheegay in Wasaaradda ay tallaabo cad ka qaadi doono dadkii ka horyimid horumarka isboortiga dalka, isagoo Hana Xasan uga mahadceliyay sida ay u garab taagantahay gabdhaha kubadda kolleyga, uuna ku dhiiri gelinayo in aysan ka niyad jebin kaalinta ay ku leedahay horumarka isboortiga.

“Wasaaraddu uma dulqaadan doonto in dad u istaagan horumarinta isboortiga la niyad jebiyo oo laga hor istaago horumarka isboortiga, waxaana Hana Xasan Mire uga mahadcelineynaa dadaalka ay u gashay horumarinta isboortiga” ayuu yiri Wasiir ku-xigeenka Isboortiga

Tartanka wadamada carabta oo ay soo diyaarisay Hana Xasan in Soomaalida ay u matalaan gabdhaha kubadda kolleyga ayaa ah mid lagu doonayay inay lagu soo saaro naadiyada dalalka carabta, waxaana jiray gabdho Soomaaliyeed oo gudaha iyo dibadda ka socday oo tartankaasi ka qeybgeli lahaa, hayeeshee warqad ka soo baxday xiriirka kubadda kolleyga ay sababtay in gabdhuhu ay ka qeyb geli waayaan, taasi oo ka hor imaan karta horumarinta isboortiga dalka.

vlcsnap-2016-02-04-07h21m00s156 vlcsnap-2016-02-04-07h21m11s28 vlcsnap-2016-02-04-07h21m24s166 vlcsnap-2016-02-04-07h21m37s19 vlcsnap-2016-02-04-07h22m35s100

vlcsnap-2016-02-04-07h23m09s197 vlcsnap-2016-02-04-07h23m36s208 vlcsnap-2016-02-04-07h24m03s227 vlcsnap-2016-02-04-07h24m20s140 vlcsnap-2016-02-04-07h24m41s80 vlcsnap-2016-02-04-07h24m55s229 vlcsnap-2016-02-04-07h25m33s72 vlcsnap-2016-02-04-07h25m53s36 vlcsnap-2016-02-04-07h26m05s102 vlcsnap-2016-02-04-07h26m14s247 vlcsnap-2016-02-04-07h26m21s97 vlcsnap-2016-02-04-07h26m32s205 vlcsnap-2016-02-04-07h26m36s243

 

LEAVE A REPLY

Please enter your comment!
Please enter your name here