Wasiir Farkeeti Oo dalka dib ugu soo noqoday kadib  shirar muhiim ah uga soo qayb galay Sacuudiga iyo Kuwait “Sawirro”

0
1252

Muqidisho, 13, Nov, 2015…..Wasiirka Maaliyadda Xukuumadda Federaalka Soomaaliya mudane Maxamed Aden Farkeeti ayaa saaka dalka dib ugu  soo laabtay kadib  shirar muhiim ah oo uga soo qayb galay dalalka Kuwait iyo Sacuudiga.

Wasiirka ayaa ugu horayntii ka qayb galay shirkii hor dhaca u ahaa kulankii  ay isgu yimaadeen madaxda wadamadda Latiin America iyo Carabta ee ka dhacay magaalada Riyadh ee dalka Sacuudiga, wasiirka ayaa intuu socday shirku wuxuu kulan gaar ah la qaatay madaxa Sanduuqa Horumarinta ee Sacuudiga Eng. Yusuf Al-basam,  kaas oo ay ka wada hadleen sidii Soomaaliya looga caawin lahaa dib u soo celinta kaabayaasha dhaqaalaha dalka iyo sidii loo hormarin lahaa adeegyada bulshada sida: Waxbarashada, Caafimaadka, Biyo galinta magaalooyinka iyo Dib u soo celinta qaxootiga ku dhibaataysan dalalka dariska ah.

Sidoo kale wasiirka ayaa ka qayb galay shir ka dhacay magaalada Kuwait oo ay si wada jir ah u wada qaban qaabiyeen Hay’ada Lacagta Aduunka (IMF) iyo Bangiga Dhexe ee Kuwait, kaas oo ay ka soo qayb galeen in kabadan 40 wadan, waxaana shirka looga hadlay qaabka uu ushaqeeyo nidaamka maaliyadeed ee Islaamiga ah ee ku salaysan dulsaar la’aanta (Islamic Finance), waxaana laysku afgartay in la baahiyo isticmaalka Islamic Finance oo waayahaan danbe aad ugu soo xoogaysanayey caalamka.

Dhanka kale Wasiirka ayaa kulan gaar ah la yeeshay intuu ku sugnaa magaalada Kuwait madaxa Horumarinta Sanduuqa ee dalka Kuwait Dr. Cabdullwahab Al-bader, waxayna isla soo qaadeen sidii Soomaaliya looga caawin lahaa kor u qaadida kobaca dhaqaalaha iyo horumar lagu sameeyo dib u soo noolaynta dhaqaalaha dalka,

Ugu danabyntii Wasiirka ayaa magaalda Nairobi kulan kula qaatay safiirka cusub ee Maraykanka u qaabilsan  Soomaaliya, Amb. David H. Kaeuper waxayna ka wada hadleen marxalada siyaasadeed ee dalka iyo horumarka dowladda Soomaaliya ay ku talaabsatay ee dhanka maamulka maareynta maaliyadda. Wuxuuna safiirku ku aamanay dowladda Soomaaliya iney muujisay horumar dhanka kobaca dhaqaalaha iyo baahinta nidaamka maaliyadeed ee dalka.

—DHAMAAD–

gulf trip 2248 gulf trip 2254 gulf trip 2270 gulf trip 2280 gulf trip 2320 gulf trip 2328 gulf trip 2334 gulf trip 2335 gulf trip 2381 gulf trip 2427 Kuwait Fund Saudi conf US ambassador 2 US embassy wasiir arimaha dibedda Kuwait

Did you like this? Share it:

LEAVE A REPLY

Please enter your comment!
Please enter your name here