Wasiir Hadliye Cumar : Annaga Danweyn ayaa noogu jirta dalka Yaman

0
1337

Madaxweynaha Jamhuuriyadda Soomaaliya mudane xasan sheekh Maxamuud iyo Madaxweynaha Imaradaka Carabta ayaa kawada hadlay xaaladda ka taagan wadanka Yaman iyo sidii xukunka loogu soo celin lahaa Madaxweynihii sharciga ahaa ee wadankaas cabdul Rabbul Mansuur AlHaadi.

Wasiirka Arrimaha Dibadda Xukuumadda Federaalka Soomaaliya Cabdisalaan hadliye Cumar oo ka mid ah wafdiga Madaxweynaha Soomaaliya ayaa sheegay in Labada Ma’uul ay ka wada hadlen Xaaladaha Siyaasadeed ee dalka Yaman ka taagan.

“Arrimaha Yaman ayaa  laga hadlay, horayba waan u sheegnay inaan ogolnahay in dib xukunka loogu soo celiyo Dowladdii sharciga ahayd ee Madaxweyne Cabdul Rabbi Mansuur Alhaadi, waxaanu u sheegnay inaan wali garab taagannahay Ciidamadooda Dagaalka kula jira Kuwa Argagixisada ah iyo kuwa diidan in Yamani ay Nabad noqoto” ayuu yiri Wasiirka Arrimaha Dibadda Soomaaliya.

Wasiir hadliye ayaa tilmaamay Aragtida Dowladda federaalka Soomaaliya ee DalkaYaman taas oo ah in wadankaas Nabad galyadiisa ay sidii hore ku soo laabato Colaaddana la joojiyo.

“Annaga Danweyn ayaa noogu jirta dalka Yaman, waa wadan aan isku daariiq Nahay, waa dal Muslim ah waa dal Horay Gacan u siiyay Soomaaliya intii Burburka uu Jiray waxa uuna soo dhaweeyay Todobo Boqol oo kun oo qaxooti Soomaali ah oo dalkaas waqti hore Miciinbiday” ayuu yiri wasiir hadliye.

Did you like this? Share it:

LEAVE A REPLY

Please enter your comment!
Please enter your name here