Wasiir ku-xigeenka Amniga Gudaha: “Ciidamada amniga gacan halagu siiyo ka hortagga qatarta miinada”

1590

Munaasabadan lagu xusayay 4-ta April oo ah maalinta uu caalamka u aqoonsaday miinada Adduunka ayaa lagu qabtay dugsiga tababarka ciidanka booliska ee Jeneraal Kaahiye, halkaasi oo ay ka qeyb galeen Wasiir ku-xigeenka Wasaaradda Amniga gudaha, saraakiisha hay’adaha amniga, ururrada bulshada rayidka iyo fanaaniinta kooxda Heegan ee ciidanka booliska oo goobta ku soo bandhigay suugaan ka turjumeysa dhibaatooyinka ay bulshada ku hayso miinada.

Qaar ka mid ah dadkii goobta ka hadlay waxa ay bulshada ka codsadeen in ay la shaqeeyaan hay’adaha amniga ee dalka, si looga hortago dhibaatooyinka ay kooxaha Shabaab ku hayaan bulshada, gaar ahaan miinooyinka ay shacabka ku dhibaateynayaan.

Sareeyo Guuto Cabdirashiid Aadan Xirsi Taliyaha akadeemiyada ee dugsiga Jeneraal Kaahiye oo ka sheekeeyay qatarta miinada ayaa xusay in shacabka looga fadhiyo inay u istaagaan sidii ay ula shaqeyn lahaayeen ciidamada Nabadgelyada.

“Waa maalin ku aadan sida hal meel loogu wada istaagi lahaa dhibaatada miinada ee xagga shacabka ku hayso, waayo waa wax lagu baabi’iyo shacabka, marka waxaan bulshadeena ka codsaneynaa si loo yareeyo dhiaatada miinada, in ciddi ay uga shakiyaan arrimahan ay ku soo wargeliyaan hay’adaha amniga, si looga hortago qatarta miinada” ayuu yiri Jeneraal Cabdirashiid.

Ugu dambeyntii Wasiir ku-xigeenka Wasaaradda Amniga gudaha ee Xukuumadda Soomaaliya Mudane Cabdinaasir Maxamed Cali ayaa sheegay in xilli kasta ay ciidamada ammaanka u taaganyihiin ka hortagga qatarta miinada.

“Ciidanka qalabka sida maalin kasta waxa ay u taaganyihiin sidii shacabka looga hortagi lahaa dhibaatada miinada, Islaamka ma qabo in dadka la iska laayo, marka waxaan idinka rabnaa in aad gacan nagu sii saan sidii aan ula dagaalami lahayn dadka arrimaha nuucani oo kale ku howlan”.ayuu yiri Wasiir ku-xigeenke Amniga gudaha.

Wadamo badan oo Soomaliya ay ku jirto ayaa laga xusay maalinta miinada Adduunka oo ku beegan 4 April oo ah maalinta uu caalamka u aqoonsaday.

IMG_6482 IMG_6484 IMG_6486 IMG_6488 IMG_6489 IMG_6491 IMG_6493 IMG_6494 IMG_6497 IMG_6507 IMG_6509 IMG_6511 IMG_6513 IMG_6516 IMG_6518 IMG_6523 IMG_6533 IMG_6534 IMG_6535 IMG_6547 IMG_6566 IMG_6567

Sawir Qaade:- Qadar Cali Nuur

 

 

Did you like this? Share it:

LEAVE A REPLY

Please enter your comment!
Please enter your name here