Wasiir ku xigeenka Arrimaha Gudaha oo xafiiskiisa kula kulmay wafdi kasocday Hay’adda UNHCR

877

Wasiir ku xigeenka Wasaaradda Arrimaha Gudaha iyo Federaalka Md. Cali Sheikh Maxamed  Nuur oo manta xafiiskiisa kula kulmay wafdi kasocday Hay’adda UNHCR oo ay horkacaysay Wakiilka Somalia ee UNHCR.

Kulankaas ayaa ugu horayn waxa la isku dhaafsaday warbixino ku aadan xaaladda qaxootiga Yemen halka ay marayso iyo war ka soo yeeray Dowladda Kenya kaaso oranayay in saddex bilood gudaheeda dib loo celinayo Qaxootiga Soomaaliyeed ee ku jira xeryaha Qaxootiga Kenya.

Wasiirka ayaa yiri “ waxan horay ugu jirnay dagaal ka dhan ah argagixisada taas oo culays badan aan saarnay, haddana waxa soo kordhay culeeskan qaxootiga Yemen iyo Kenya. Dowladda waxa ay u diyaargarowday labada gacan midna in ay cadawga kula dagaasho midna shacabkeeda dhiban wax ugu qabato, taasoo aan ula jeedo in aan bixin doono wax walba ee aan kari karnno, waxa aan xoojinaynaa Qaylidhaanti uu wasiirkeena horay ujeediyay ee ku aadanaa in loo sameeyo taageero dagdag ah Qaxootiga soo laabanayo ee soomaaliyeed ee kusugan Yemen”.

Wasiir ku xigeenka waxa uu ka codsaday Hay’adda UNHCR in loo helo maraakiib soo daabusho Qaxootiga ku dhiban Yemen. Sidoo kale waxa uu wasiirku  cadeeyay ilaa iyo hadda dhanka dowladda Kenya in ayan ka helin Xiriir rasmi ah ee ku aadan Dib usoo celinta Qaxootiga Soomaaliyeed eek u jira xeryaha Qaxootiga ee Kenya, asiga oo xusay in ay ka maqleen warbaahinta oo kaliyah.

Dhanka kale wasiir ku xigeenka waxa uu u mahadceliyay Hay’adda UNHCR dadaalka ay wado, waxa u dhiira galiyay in howsha la dardar galiyo wadajir iyo iskaashi dhaw lawada yeesho si loo samata bixiyo Qaxootiga soomaaliyeed ee ku sugan Yemen iyo Kenya.

Wakiilka ufadhiya Somaliya UNHCR ayaa warbixin guud ka bixisay tirade rasmiga ah ee qaxootiga soo laabtay waxa ayna ku sheegaty in ay gaarayaan 914 qof, halka soomaalida ay yihiin751, Yemeniyiintana gaarayaan 155, waxyaabaha loo qabto marka ay soo gaaraan Boosaaso iyo Barbara ayay ku sheegtay marka hore in la eego dhanka amniga dabadeedna loo saameeyo diiwaangelin ayada ay halkaasi diyaar ku yihiin koox la tacaashoo xaaladahaha dagdaga ah ee caafimaadka.

Wakiilka UNHCR ayaa sidoo kale ka hadashay arrinta cusub ee Qaxootiga Kenya waxa ayna sheegtay arrintaasi in ayan weli kusoo gaarin xiriir rasmi ah oo kaga yimid Dowladda Kenya, Mowqifka UNHCR horay ayaan u cadaynay. Ugu dambayn waxa ay soo dhawaysay in la sameeyo iskaashi iyo wada shaqayn dhaw in lawada yeesho.

Waxa la isla gartay:

 

In la sameeyo ololo dheeraad ah oo lagu badbaadinayo qaxootiga wali ku dhiban Yemen, si degdeg ahna loo soo samata bixiyo

Wasaaradda in ay tagto meelaha ay kasoo dagayaan Qaxootiga lana socoto xaaladda qaxootiga imaanayo.

In loo diyaar garoobo Qaxootiga Kenya ka imaanaya.

Warsaxaafadeed

Did you like this? Share it:

LEAVE A REPLY

Please enter your comment!
Please enter your name here