Wasiir ku xigeenka Caafimaadka iyo Taliyaha CXD oo tababar usoo xirey 81 dhaqaatiir ah “SAWIRRO”

ku dhawaad 81 Howlwadeenno Caafimaad ah ayaa ka mid noqday Ciidanka Xoogga Dalka Soomaaliya kuwaasi oo si Mutadacnimo ah ugu mid noqday Ciidanka Xoogga Dalka Soomaaliya.

 

Dhallinyaradaani ayaa isugu jira Kalkaaliyaal, Sheebaaristayaal iyo Dhaqaatiir kuwaasi oo si mutadawacnimo ah ugu biiray ciidamada Xoogga Dalka Soomaaliya

Wasiir ku xigeenka Wasaaradda Caafimaadka Xukuumadda Soomaaliya Maxamed Saciid oo ay wehliyaan Taliyaha Ciidanka Xoogga Dalka Sareeyo Gaas Daahir Aadan Cilmi Indhaqarshe iyo Abaandullaha Ciidanka Xoogga Dalka Soomaaliya   Jeneraal Odowaa Yuusuf Raage ayaa ka qeyb galay Munaasabad tababar loogu soo xerayay dhalinyaradaani.

Madaxa Hogaanka Caafimaadka Ciidanka Xoogga Dalka Soomaaliya Gaashaanle dhaxe Mahad Cabdullahi Shiine iyo Jeneraal Xasan Mahdi Madaxa Hogaanka Tababarka Ciidanka Xoogga Dalka ayaa sheegay in dhalinyaradaani maanta tababar uu u dhamaaday ay ka mid yihiin dhalinyaro baratay Culuumta Caafimaadka isla Markaana ka mid noqday Ciidanka Xoogga Dalka.

Abaandullaha Ciidanka Xoogga Dalka Sareeyo Guuto Odowaa Yuusuf Raage  ayaa sheegay in Dhaqaatiirta Maanta uu u dhamaaday tababarka ciidan  ay ka howlgali doonaan dhamaan gobolada dal halkaasi oo ay ka socdaan howlgalada dalka looga xureynayo nabadiidka Al-shabaab.

Taliyaha Ciidanka Xoogga Dalka Soomaaliya Sareeyo Gaas Daahir Aadan Cilmi Indhaqarshe waxa uu sheegay in Ardayda Aqoon yahanada ah in ay u Abuuri doonaan Fursado Shaqo ah

Wasiir Ku xigeenka Caafimaadka Xukumada Soomaaliya Maxamed Saciid Cabdullahi ayaa tilmaamay wasaarada Caafimaadka ay ka howlgali doonto Goobaha Cadowga Al-shabaab laga xureeyo

Munaasabada ayaa shahadooyin waxaa lagu gudoonsiiyay Ardeydii kaalimaha ugu horeeyay ka galay mudadii tababarka uu u socday.

Did you like this? Share it:

LEAVE A REPLY

Please enter your comment!
Please enter your name here