Wasiir ku xigeenka Qorsheynta iyo maalgashiga caalamiga ah oo soo dhaweeysay wafdi ka socday dowladda Qatar +Sawirro

2928

Wasiir ku xigeenka wasaaradda Qorsheynta iyo maalgashiga caalamiga ah xildhibaan Fahmo Axmed Nuur oo warbaahinta Qaranka kula hadashay garoonka diyaaradaha Aadan Cadde kaddib marki ay soo dhaweysay ganacsatadaasi, ayaa sheegtay in ganacsatada ka socota dalka Qatar ay dalka u yimaadeen sidii ay fursado maalgashi uga heli lahaayeen dalkeenna.

Wasiirka oo hadalkeeda sii wadata ayaa xustay in dowladda Federaalka Soomaaliya ay dadaal dheeraad ah ku bixineyso sidii loo horumarin lahaa dhaqaalaha dalka,  iyadoo intaasi ku dartay in dowladdu ay dhameystirtay shuruucda asalka u ah maalgashiga dalka.

Wafdiga oo la hadlay warbaahinta Qaranka ayaa muujiyay sida ay ugu faraxsanyihiin iney soo booqdaan dalkeena Soomaaliya ayna ku soo dhaweeyaan mas’uuliyiinta dowladda. Iyagoo sheegay iney dalka u yimaadeen sidii ay uga heli lahaayeen fursado maalgashi.

Wafdigan ganacsatada ah ee ka socday dalka Qatar ayaa inta uu joogo dalka waxa uu la kulmi doonaa, wasaaradaha ka shaqeeya wax soo saarka, iyo rugta ganacsiga, iyagoo u kuur galidoona fursadaha maalgashiga ee ka bannaan dalka.

Did you like this? Share it:

LEAVE A REPLY

Please enter your comment!
Please enter your name here