Wasiir ku-xigeenka Warfaafinta oo faah faahin ka bixiyay dadaallada Ra’iisul Wasaaraha ee arrimaha doorashooyinka

Wasiir ku xigeenka wasaaradda warfaafinta XFS Cabdiraxmaan Yuusuf Al-Cadaala oo ka warbixiyey xaaladda ammaan ee dalka ayaa sheegay in maanta ra’iisul wasaare Rooble uu magacaabay guddi gaar ah oo ka soo shaqeeya hir-gelinta amarkii uu dhawaan siiyey ciidamada isku hor fadhiya magaalada Muqdisho.

Wasiirka ayaa sheegay in guddigan uu ka shaqeynayan in ciidamada qalabka sida ee isku hor fadhiya qeybo ka tirsan magaalada Muqdisho, iyagoo aan mucaarad iyo muxaafid kala laheyn dib loogu celiyo xeryahooda, lana soo afjaro ismaan dhaafka maalmahaan ka taagnaa caasimada.

Sidoo kale Mudane Cabdiraxmaan Al-Cadaala waxa uu sheegay inay jiraan siyaasiyiin diidan inuu shaqeeyo amarkii ra’iisul wasaaraha, isagoo uga digay siyaasiyiintaas dhaqdhaqaaqyada aan u adeygeyn danta guud ee umadda Soomaaliyeed.

Halkaan hoose ka Daawo

LEAVE A REPLY

Please enter your comment!
Please enter your name here