Wasiir ku-xigeenka Warfaafinta oo si diiran loogu soo dhaweeyay magaalada Gaalkacyo “SAWIRRO”

Maamulka Gobolka Mudug, kan Degmada Gaalkacyo iyo qaybaha kala duwan ee bulshada magaaladaas ayaa soo dhaweyn diiran u sameeyay Wafdi uu hogaaminayo Wasiir ku-xigeenka Warfaafinta, Dhaqanka iyo Dalxiiska Xukuumadda Federaalka Soomaaliya Mudane Cabdiraxmaan Yuusuf Sheekh Cumar ( Al-Cadaala ) oo gaaray gabal dhicii magaalada Gaalkacyo.

Wasiirka ayaa mid mid u gacan qaaday madaxdii iyo shacabkii magaalada afkeeda hore uga hortagtay, wuxuuna uga mahadceliyay sida milgaha leh ee ay u soo dhaweeyeen guud ahaan Maamul iyo shacab.

Maamulka Gobolka Mudug iyo kan Degmadda Galkacyo ee dhinaca Galmudug ayaa Wasiirka uga mahadceliyay booqashadiisa uu ku tegay Gaalkacyo.

Wasiir Cabdiraxmaan Al-Cadaala ayaa kulamo gaar gaar ah la qaadan doona inta uu Gaalkacyo ku sugan yahay Mas’uuliyiinta, Waxgaradka, Haweenka iyo dhallinyarada, isagoo kala hadli doona arrimo ku saabsan sidii ay bulshadda iyo Dowladda oo wada jira ay iskaga kaashan lahaayeen Amaanka iyo Horumarka dalka.

 

 

LEAVE A REPLY

Please enter your comment!
Please enter your name here