Wasiir ku-xigeenka Wasaaradda Diinta oo ka qeyb galay kulan duco iyo Qur’aan akhris ah

Wasiir ku-xiggeenka Wasaaradda Awqaafta iyo Diinta ee Xuukamadda Federaalka Soomaaliya mudane Cismaan Aadan Dhubow ayaa maanta ka qeyb galay kulan duco iyo Qur’aan akhris ah oo lagu qabtay Masjidka Sheekh Muxudiin Celi ee Dagmada Karaan.

Kulankaan oo ay ka qayb ahaayeen qaar ka mid ah culimada Soomaaliyeed ayaa waxaa marka hore Qur’aan akhris laga sameeyay, iyada oo Ummadda Soomaaliyeed loogu duceeyay inuu ka badbaadiyo halista cudurkan dunida aadka ugu faafay.

Wasiir ku-xiggeenka Wasaaradda Cismaan Aadan Dhuubow oo ka hadlay kulanka ducada kaddib ayaa sheegay inay muhiim tahay in Alle loo noqdo lagana fogaado dambiyada iyo macaasida.

Sheekh Cali Sheekh Maxamuud (Sheekh Cali Dheere) Agaasimaha Waaxda Diinta ee Wasaaradda ayaa xusay in waqtigaan loo baahan yahay in la badiyo ducada iyo Alle bariga, maadaama hadda dunidu wajahday halista cudurkaan oo ay u taag waayeen Dowlado horumar wayn ka gaaray xagga farsamada casriga ah.

Gabagabadii kulanka ayuu Wasiir ku xigeenka Wasaaradda Guddoonsiiyay maamulka masjidka Sheekh Muxudiin Celi deeq kutubo Qur’aan ah.

LEAVE A REPLY

Please enter your comment!
Please enter your name here