Wasiir Maareeye “Halaga qeyb qaato todobaadka xoriyadda oo ah maalmo nagu weyn”

2
1590

Wasiirka Warfaafinta, dhaqanka iyo dalxiisa ayaa ugu baaqay bulshada Soomaaliyeed inay ka qeyb qaataan maalmaha xoriyadda oo foodda nagu soo heysa, isla markaana ay u istaagaan sidii loo weyneyn lahaa.

Mudane Maxamed Cabdi Xayir Maareeye Wasiirka Warfaafinta, dhaqanka iyo dalxiiska oo ah guddoomiyaha guddiga qaban qaabada xuska todobaadka xoriyadda oo ay ku mideysan yihiin Agaasimeyaasha Warbaahinta Qaranka, xubno ka tirsan Xafiisyada Ra’iisul wasaaraha iyo maamulka gobolka benaadir ayaa maanta kulankooda ugu horeeya ku yeeshay xarunta Wasaaradda Warfaafinta, kaasi oo looga hadlay habka loo maamuusayo xuska todobaadka xoriyadda, iyadoo la isla meel dhigay arrimo badan oo muhiim u ah habsami u socodka todobaadka xoriyadda.

Wasiirka Warfaafinta Mudane Maxamed Cabdi Xayir Maareeye ayaa sheegay in 15-ka bishan la qaban doono tartamo isboorti iyo kuwa dhaqan, isagoo xusay in Warbaarhinta Qaranka ay baahin doonto barnaamijyo lagu weyneynayo halgankii loo soo maray xoriyadda.

Wasiir Maareeye oo hadalkiisa sii wata ayaa ku baaqay in waddooyinka iyo dhismayaasha hareerada ku yaaalla lagu xardho Calanka Jamhuuriyadda, si bulshada ay uga qeyb qaadato xuska munaasabadaha 26-ka June iyo 1-da Luulyo oo ah maalmo ku weyn shacabka Soomaaliyeed.

IMG_0536 IMG_0537 IMG_0539 IMG_0540 IMG_0547 IMG_0551 IMG_0556 IMG_0559 IMG_0560 IMG_0562 IMG_0564 IMG_0569 IMG_0581

Sawir Qaade:- Maxamed Macalin Xasan “White-ka”

 

Did you like this? Share it:

2 COMMENTS

  1. Waa in si weyn loo xusaa 26 juun oo ah Maalintii gobol soomaaliyeed oo xur ah calankeena laga taagay oo Abwaankii weyne AHN Cabdillaahi Suldaan Timacade gabay ka tiriyay Beerta Xuriyadda ee
    Hargeysa oo uu gabayadiisa ka mid ahaa Sarreyow ma nusqaamo ee Bal Siduu yahay eegee kaana siib kanna saar.waa taariikh lama ilaawan ah oo taariikhda ummadda soomaaliyeed bal database ah ugu qoran.
    1 July waa Maalintii xurnimada gobolka koonfureed ee Soomaaliya iyo Midowgii labada Gobol ee soomaaliyeed iyo curashada Jamhuuriyadda Soomaaliya oo ka xuroobay gumeysigii qarniyaal haystay ee talyaaniga iyo ingiliiska.
    Waxaa waajib qaran ah in si weyn loo xuso labadaa maalmood gaar ahaan iyo guud ahaan gobollada iyo degmooyinka qaranka soomaaliyeed.
    Mudane Maxamed Cabdi Xayir maareeye Wasiirka Warfaafinta waa siduu sheegay ee ummadda soomaaliyeed si weyn ha u xusaan todobaadka Xuriyadda iyo midnimada.wbt

  2. Bacdamaa la xusayo toddobaadka xuriyadda qaranka soomaaliyeed,waxaa loo baahan yahay in la xuso Abwaaniinta doorka weyn ka qaatay baraarujinta iyo hogo-tusaalinta iyo hanuuninta ummadda iygoo ahaa wadaniyiin gumeysi neceb waxay u horseedeen in aan dhulkeena ka xureyno gumeysigii xumaa.
    Haddaba abwaanadaas oo aanan tira-Koobi karin waxaa ka mid ahaa Abwaan CALI SUGGLE Dun-carbeed oo hadda xanuunsan oo cusbitaal ku yaala imaaraadka carabta uu jiifo.waxaan ku baraarujinayaa wasaaradda warfaafinta khaas ahaan guud ahaanna mas,uulinta soomaaliyeed inay la socdaan xaaladiisa caafimaad iyo waxay ka gees an karaan.yaan la iloobin qofkii qaranka soomaaliyeed wax u qabtay.wbt

LEAVE A REPLY

Please enter your comment!
Please enter your name here