Wasiir Maareeye iyo Safiirka Sweden oo ka wadahadlay horumarinta Warbaahinta Soomaaliya

1254

Wasrka Warfaafinta, Dhaqanka & Dalxiiska Mudane Maxamed Cabdi Xayi (Maareeye) ayaa maanta Muqdisho kulan la yeeshay H.E. Mikael Lindvall, Safiirka Sweden ee Soomaaliya oo ay ka wada hadleen dhaqangelinta Istraatejiyada warbaahinta dalka, xeerka saxaafada iyo horumarinta warbaahinta dalka oo ay ugu horreyso sare u qaadista aqoonta, xirfadaha iyo waayo aragnimada suxufiyiinta Soomaaliyeed kuwa ka howlgala warbaahinta qaranka iyo kuwa sida gaarka ah loo leeyahay.

Wasiirka Warfaafinta, Dhaqanka & Dalxiiska Mudane Maxamed Cabdi Xayir (Maareeye) ayaa u mahadceliyey Safiirka Sweden sida hagar la’aanta ah ee Dowlada Sweden ay u taageerto dowladda Soomaaliya. Wasiir Maareeye ayaa codsaday in Sweden ay sii labo jibaarto dadaalkooda oo ay ka taageerto Wasaarada Warfaafinta dhaqangelinta Istraatejiyada Warbaahinta Dalka, Xeerka Saxaafada iyo horumarinta warbaahinta Soomaaliya iyo gaar ahaan sidii weriyeyaasha ay u heli lahaayeen tababaro kor loogu qaadayo aqoontooda iyo xirfadooda.

H.E. Mikael Lindvall, Safiirka Sweden ayaa u mahadceliyey Wasiir Maareeye iyo dadaalkiisa ku aadan horumarinta warbaahinta, sheegeyna in Istraatejiyada Warbaahinta Soomaaliya ay muhiim u tahay sidii warbaahinta dalka loo horumarin lahaa, isla markaana uga mahadceliyey Wasaarada Warfaafinta dadaalka ay ku gaarsiisay wadatashiyada gobollada dalka oo dhan. Safiirka ayaa sidoo kale sheegay in Xeerka Saxaafada loo baahanyahay in suxufiyiinta wacyigelin buuxda looga sameeyo si ay u sahlanaato dhaqangelintiisa.

Did you like this? Share it:

LEAVE A REPLY

Please enter your comment!
Please enter your name here