Wasiir Maareeye oo bahda saxaafadda ugu baaqay ka qeyb qaadashada hirgelinta Federaalka

0
866

Wasaaradda Warfaafinta, Dhaqanka iyo Dalxiiska ee Xukuumadda Federaalka Soomaaliya ayaa ugu baaqday Warbaahinta Soomaaliyeed in ay ka qeyb qaataan Hirgelinta nidaamka Federaalka oo dowladda Soomaaliyeed ay dooneyso in dalka oo dhan ay ku gaarsiiso.

Wasiirka Warfaafinta Mudane Maxamed Cabdi Xayir Maareeye oo hadalkan ka jeediyay kulan looga hadlayay doorka Warbaahinta looga baahanyahay in ay ka qaataan Todobaadka xoriyadda ee Dalka ayaa xusay in saxaafaddu ay door muuqdo ka qaadan karto hirgelinta Nidaamka Federalaka ah.

“Federaalisim-ka haddii si qaldan loo isticmaalo dhibaato ayuu bulshada u horseedaa, marka waxaan la idinkaga baahanyahay in dad quburo ah oo Federaalka wax ka yaqaan aad khadka soo gelisaan, isla markaana bulshada fahamsiiya faa’iido uu Federaalka u leeyahay, si dalka oo dhan looga hirgeliyo Nidaamka Federaalka” ayuu yiri Wasiir Maareeye.

Dowladda Federaalka ah ee Soomaaliya ayaa ku howlan sidii dalka oo dhan looga hirgelin lahaa Nidaamka Federaalka oo mas’uuliyiinta Wasaaradda Arrimaha gudaha ku sifeeyeen in bulshada uu u leeyahay faa’iidooyin badan oo ay ugu horeyso in degmada ama gobolka ay ku noolyihiin ay ka heli karaan, waxkasta oo ay dowladda dhexe uga baahnaayeen.

 

 

Did you like this? Share it:

LEAVE A REPLY

Please enter your comment!
Please enter your name here