Xukuumadda Soomaaliya oo cambaareysay qaraxii dhacay inta u dhexeysa ilinka Madaxtooyada iyo Hotel SYL

0
3976

Wasiirka Warfaafinta, dhaqanka iyo dalxiiska ee xukuumadda Soomaaliya Mudane Maxamed Cabdi Xayir Maareeye oo si toos ah Warbaahinta Qaranka ugala hadlayay shacabka ayaa sheegay in ciidamada amniga ay ka hortageen ujeedka lala damacsanaa qaraxii maanta.

Wasiirka Maareeye ayaa ugu horeyn tacsi u diray Umadda Soomaaliyeed dadkii ku nafwaayay qaraxii ka dhacay inta u dhexeysa Ilinka hore ee Madaxtooyada Qaranka iyo Hotel SYL, waxaana uu Alle uga baryay kuwa ku dhaawacmay in uu bogsiiyo.

“Waxaan cambaareyneynaa ficilada guracan ee ay dhagarqabayaasha Shabaabku ku bartilmaameedsanayaan goobaha shacabka isugu yimaadaan”ayuu yiri Wasiirka Warfaafinta.

“Wasiirka dekadaha iyo wariyeyaal dhowr ah oo ka tirsan Warbaahinta Qaranka ayaa dhaawacyo muraayado ku saabsan ay soo gaareen, xaaladooduna way fiicantahay, hadda Alxamdullih, waxaana Alle uga baryayaa in uu bogsiiyo” ayuu yiri Wasiir Maareeye.

Mudane Maxamed Cabdi Xayir “Maareeye” ayaa ka codsaday beesha caalamka in dowladda gacan lagu siiyo sidii loo cirib tiri lahaa dhagar qabayaasha Al-Shabaab, isagoo ammaan ujeediyay ciidamada amniga ee ka hortagay falkii ay damacsanaayeen maleeshiyada Al-Shabaab.

Did you like this? Share it:

LEAVE A REPLY

Please enter your comment!
Please enter your name here