Wasiir Odawaa oo la kulmaya Odayaasha labada Gobol

Wasiirka Arrimaha Gudaha iyo Federaalka oo shalay galab gaaray magaalada Jowhar ee gobolka Shabeellaha Dhexe ayaa maanta kulamo la leh odayaasha iyo waxgaradka ku shirsan magaaladaas.

Wasiir Cabdiraxmaan Maxamed Xuseen Odawaa oo ay wehliyan, wasiirka Amniga Gudaha, Wasiirka Dhallinyarada iyo Ciyaaraha iyo xubno ka socda Golaha Baarlamaanka ayaa la filayaa saacadaha soo Aadan in magaalada jowhar ay kulamo kula qaataan Odayaasha Dhaqanka Gobollada Hiiraan iyo Shabeellaha Dhexe, kuwaas oo ay kala hadli Doonaa dar-dar gelinta shirka maamulka loogu sameynayo labada gobol ee jowhar ka socda.

Shirka maamul u sameynta dadka dega gobollada Hiiraan iyo Shabeellaha Dhexe ayaa ka socda magaalada jowhar iyadoo mas’uuliyiinta sare ee dowladda ay filayaan in shirkaas ay ka soo baxaan qorshaha loo qabtay  oo ah gobolladaas inay qaataan Nidaamka federaalka.

LEAVE A REPLY

Please enter your comment!
Please enter your name here