Wasiir Warfaafinta Koonfur Galbeed “Sedex Shabaab ah ayaa la dilay, Jab xoogana waa la gaarsiiyay”

Wasiirka Warfaafinta Dowlad Goboleedka Koonfur Galbeed Ugaas Xasan ayaa faahfaahin ka bixiyay Howlgal ciidamada xooga dalka iyo kuwa Koonfur Galbeed ay ka sameeyeen deegaan 50-km u jira magaalada Xudur ee xarunta Gobolka Bakool.

Wasiirka ayaa sheegay in ciidamada xooga dalka ay dagaal xoogan la galeen Maleeshiyada Argagaxisada Al shabaab, waxayna ka dileen 3 maleeshiyo, halka ay mid kalena dhaawaceen, waxaana saldhiga lagu weeraray Al shabaab lagu gaarsiiyay Jab xoogan.

Khasaaraha soo gaaray dhinaca ciidamada xooga dalka iyo kuwa Koonfur Galbeed ayuu ku sheegay wasiirka Hal askari oo geeriyooday iyo Labo dhaawacyo ay soo gaareen.

Weerarkaasi ka dib Al shabaab way iskaga carareen deegaankaasi waxaana hada gacanta ku haya ciidamada xooga dalka, iyadoo xaalada ay degan tahay, shacabkana ay si weyn u soo dhaweynayaan ciidamada.

Did you like this? Share it:

LEAVE A REPLY

Please enter your comment!
Please enter your name here