Wasiirada Arrimaha dibadda ee IGAD oo si nabadgelyo ah uga dhoofay dalka

1991

Wasiirada Arrimaha dibadda ee Urur Goboleedka IGAD oo shirkoodii caadiga ahaa ugu soo gabo gaboobay Muqdisho ayaa ka dhoofay garoonka diyaaradaha Caalamiga ah ee Aadan Cadde.

Sii hayaha Wasiirka Arrimaha dibadda ee Soomaaliya mudane Cabdiraxmaan Ducaale Beyle iyo dibloomaasiyiin kale ayaa sagootiyay Wasiirada Arrimaha dibadda ee Urur Goboleedka IGAD, kuwaasi oo si nabad gelyo ah uga dhoofay garoonka diyaaradaha ee Muqdisho, iyagoo dib ugu laabtay dalalkii ay ka yimaadeen.

Wafdiga ayaa waxa ay socod ku mareen qeybo ka mid ah Muqdisho, halkaasi oo la adkeeyay amniga, waxaana ay dowladda uga mahadceliyeen xaqiijinta amniga caasimadda iyo horumarada kale ee ay dowladdu ku talaabsatay.

Siihayaha Wasiirka Arrimaha Dibadda ee Soomaaliya Mudane Cabdiraxmaan Ducaale Beyle oo sagootinta kaddib la hadlay Warbaahinta ayaa sheegay in go’aanadii ka soo baxay shirka Wasiirada Arrimaha dibadda ee IGAD uu ka mid ahaa in bisha March ee sanadkan gudaha caasimadda lagu qabto shirka Madaxweyneyaasha Urur Goboleedka IGAD, waxaana uu intaa ku daray in shirkii maanta ay Soomaaliya u tahay guul taariikhi ah.

Did you like this? Share it:

1 COMMENT

  1. MAANTA MAANTA MAANTAA WAA MAALIN WEYNE MAANTAA.

    illaahey mahadiis waxaa ah in martidii wadankeena timid ay iyadoo nabad ah wadanka ka dhoofeen waana gl ow cadawg ka naxo
    dadka qaar ayaa waxeey yiraahdeen imaashada wasiiradaan wax micno ah malaha soomaaliyana waxba u qaban maayaan laakiin waxaan meeshaan ka sheegayaa in arintu aaneey aheyn wasiiro imaaday laakiin ay tahay booqasho caalamka oo dhami fiirinaayo sida loo istiqbaalo iyo sida amaankooda looga adkaado.
    wasiiradaani maahan dad caadi ah waa madax ka socda dowlado dhowr wadan ah, waxaa is xasusin mudan maalintii ow ra,iisulwasaarihii turkiyo ordgaan wadankeena yimid ee caalamku arkay in isagoo nabad ah ow soomaaliyo ka dhoofay waatii caalamki indhaha la,aa ay indhihi u furmeen madax badanina ku dhiiratay ineey wadankeena yimaadaan dabadeedna safaarado ka furtaan muqdisho, dhacdadaasi waxeey dhacday afarsano ka hor oo la ogaa sidey muqdisho ahayd maantana muqdisho waxay ku sugan tahay nabad iyo horumar ay ka marqaati kaceen shisheeyuhu sokeeyaha ka hor.

    waxaan illaahay ka rajeeynayaa in muqdisho ay noqoto caasimad caalamku isugu yimaado shacabkeeduna gartaan qadarkeeda.

    waxaan halkaan tahniyad uga dirayaa ciidankeena u istaagay habeen iyo dharaar sideey u adkeyn lahaayeen nabada muqdisho waad mahad santihiin dadaalkana halkiina ka sii wada.

    illaaheey waxaan ka baryeynaa in cadawga iyo shartiisa illaaheey wadankeena iyo shacabkeenaba ka badbaadiyo .

LEAVE A REPLY

Please enter your comment!
Please enter your name here