Wasiirada arrimaha dibadda iyo difaaca ee ciidamadooda ka jooga Soomaaliya oo shir yeeshay

Wasiirada Arrimaha dibadda ee dalalka ka jooga ciidamadooda Soomaaliya ayaa maanta shir uga furmay dalka Jabuuti, kaasi oo looga hadlayo xoojinta la dagaallanka argagixisada ah.

Kulanka oo uu shir guddoominayo Wasiira Arrimaha dibadda ee Soomaaliya Mudane Cabdisalaan Hadliye Cumar ayaa diiradda lagu saaray xaaladaha ammaan ee Soomaaliya iyo sidii wadamada uga qeyb qaadan lahaayeen dar dargelinta dagaalada lagula jiro argagixisada Al-Shabaab.

Wasiirka ayaa si wada jir ah u cambaareeyay qaraxii xalay ka dhacay Muqdisho, kaasi oo ay ku dhinteen dad u badan shacab iyo ciidankii naftooda u huray inay cadowga ka difaacan dhagarta Al-Shabaab, waxaana ay ka tacsiyadeen dadkii ku dhintay iyo kuwii ku dhaawacmay.

Dhanka kale Wasiirada Difaaca ee Wadamada ay ciidamada ka soo joogaan Soomaaliya ayaa shir ku leh dalka Jabuuti, kaasi oo uu shir guddoominayo Wasiirka Gaashaandhigga ee Jabuuti, waxaana uu qeyb ka yahay shirarka looga hadlayo arrimaha ammaanka ee Soomaaliya.

Wasiirka difaaca ee dalka Nigeria ayaa tilmaamay in dhankooda ay Soomaaliya u soo dirayaan ciidamado hor leh oo qeyb ka noqdo howlgalka AMISOM ee lagula dagaalamayo Al-Shabaab, si dib loo soo celiyo guud ahaan ammaanka Soomaaliya.

 

 

LEAVE A REPLY

Please enter your comment!
Please enter your name here