Wasiirada Arrimaha Gudaha Carabta oo ka wada hadlaya arrimaha amaanka ee dalalkooda, Sawirada

Shirka Wasiirada Arrimaha Gudaha ee dalalka Jaamacadda Carabta ayaa goor dhow oo maanta oo Arbaco ah ka furmay Magaalada Tunis ee dalka Tunisia, waxaana shirka furay Madaxweynaha dalka Tunisia.

Inta badan Wasiirada Arrimaha Gudaha iyo taliyaasha Boliiska Jaamacadda Carabta ayaa shirkan ka wada qeybgalaya.

Sidoo shirka waxaa goobjoog ka ah Xoghayaha Guud ee Jaamacadda Carabta, Xoghayaha Guud Boliiska adduunka Interpol, Dhaxal Sugaha Sacuudiga Amiir Maxamed Bin Naaíf, Ra’iisal wasaare kuxigeenka Sacuudiga ahna Wasiirka Arrimaha Gudaha.

Wasiirka Arrimaha Gudaha Xukumadda Soomaaliya C/raxmaan Maxamed Xuseen Odawaa iyo wafdi uu Hogaaminayo oo uu ka mid yahay Taliyaha Boliiska Soomaaliyed Gen Maxamed Sheekh Xasan Xaamud ayaa shirkan u metelaya Dowladda Soomaaliya.

Shirka waxaa looga hadlaya arrimaha amaanka, ka hortaga kooxaha Argigixisada, sidii dalalka carabta isaga kaashan lahaayan arrimaha fal dambiyeedyada qorsheysan oo beryahan dambe ku soo batay dalalka carabta iyo sidii iskaashi dhaw loogu yeelan lahaa falal kasta oo amaanka dalalka carabta wax u dhimaya.

Shirka oo maanta furmay ayaa la filayaa in maalmaha soo socda laga soo saaro war loo wadan dhan yahay oo Wasiirada Arrimaha gudaha carabta ku mideysan yihiin.

LEAVE A REPLY

Please enter your comment!
Please enter your name here