Wasiirada Arrimaha gudaha iyo amniga oo kormeer howleed ku tegay Buulo burte “SAWIRRO”

2927

Wafdigan uu hogaaminayay Wasiirka Arrimaha gudaha iyo Federaalka ee Xukuumadda Soomaaliya Mudane Cabdiraxmaan Maxamed Xuseen Odowaa oo ay wehiliyeen Wasiirka Amniga Gudaha Mudane Cabdirisaaq Cumar Maxamed iyo xubno kale oo ka tirsan Wasaaradaha Arrimaha gudaha ayaa markii ay gaareen garoonka Buuli burte waxaa halkaasi si diiran ugu soo dhaweeyay maamulka Degmada iyo qeybaha bulshada.

Wafdiga ayaa kormeer lug ah ku soo maray magaalada Buulo burte , gaar ahaan xarumihii ku bur buray dagaalladii dalka ka dhacay, kuwaasi oo kala ah Enji, xafiiskii hore ee Guddoonka, xafisyada dowladda Hoose, Maxkamadda Degmada, Isbitaalka kii hore, Isbitaalka bisha cas ku shaqeyn jirtay oo iminka lagu dabiibayo bukaano, kuwaasi oo qaarkood uu Wasiir Odowaa guddoonsiiyay kaalmo lacageed, waxaana inta ay Wafdiga kormeerka ku guda jireen ay Wasiirada Arrimaha gudaha iyo Amniga ay bulshada ka xogwareysanayeen xaaladda amniga iyo tan bulsho ee ka jirta buulo burte..

Intaas kadib Wafdiga uu hogaaminayo Wasiirka Arrimaha gudaha waxa ay kulamo la qaateen odoayasha dhaqanka, qeybaha bulshada iyo maamulka, iyagoo warbixino ka dhageystay qaarka mid ah odoayasha oo codsaday in dib loo furo waddada isku xirta Buulo burte iyo Jalalaqsi ee aada Jowhar.

Guddoomiyaha Degmada Buulo burte Cabdicasiis Cabdullaahi Cabdi Duurow oo kulanka kahadlay ayaa sheegay in degmada ay u baahantahay in dib loo soo celiyo adeegyadii bulshada, uuna ku faraxsanyaay in maanta wafdiga heer Wasiira ay gaaraan Buulo burte.

Wasiirka amniga gudaha ee xukuumadda Soomaaliya Mudane Cabdirisaaq Cumar Maxamed ayaa sheegay in degmada Buulo burte ay amnigeeda tahay mid la isku haleyn karo, isla markaana amniga ka baxsan magaalada ay kala shaqeyn doonaan ciidamaa xoogga dalka iyo kuwa AMISOM, si dib loo furo isu socodka waddooyinka.

Wasiirka Arrimaha gudaha iyo Federaalka ee Xukuumadda Soomaaliya Mudane Cabdiraxmaan Maxamed Xuseen Odowaa ayaa sheegay In ujeedka socdaalka ay tahay sidii ay ugu kuurgeli lahaayeen xaaladda amniga ee degmada, isla markaana ay u qiimeyn lahayeen baahiyaha ka jirta degmada, si dib u dayactir lagu sameeyo xarumaha muhiimka ah.

“Ujeedka socdaalka waxaa ugu weyn labo arrimood oo kala ah in degmada Buulo burte ay u yimaadeen qiimeyn ay ku sameynayaan xag amni iyo tan bulsho, dib u dhisna lagu sameeyo xarumaha muhiimka ah, waxaan kaloo idin caddeyneynaa in digreetadii Madaxweynaha uu ku soo saaray in degmada Buulo burte ay tahay caasimad goboleedka, maamulka loo dhisayo Hiiraan iyo Shabeelaha Dhexe”ayuu yiri Wasiirka Arrimaha gudaha.

Wasiir odowaa ayaa xusay in sabtiga soo sacda uu Jowhar ka furmi doono shirka odoyaasha dhaqanka, uuna ku rajo weynyahay in uu mira dhalo shirka mamul u sameynta gobollada hiiraan iyo Shabeelaha dhexe, waxaana wafdiga ay gelinkii dambe ee maanta ay dib ugu soo laabteen caasimadda.

DSC00973 DSC00975 DSC00979 DSC00981 DSC00984 DSC00986 DSC00989 DSC00990 DSC00991 DSC00992 DSC00996 DSC01001 DSC01002 DSC01004  DSC01006 DSC01008 DSC01016 DSC01020 DSC01024 DSC01025 DSC01028 DSC01030 DSC01032 DSC01036 DSC01037 DSC01038 DSC01039 DSC01040 DSC01044 DSC01056 DSC01058 DSC01066 DSC01067 DSC01069 DSC01082 DSC01084 DSC01089 DSC01094 DSC01095 DSC01102 DSC01103 DSC01105 DSC01109 DSC01111 DSC01113 DSC01123 DSC01133 DSC01136 DSC01139 DSC01148 DSC01156 DSC01164 DSC01170 DSC01188  DSC01197   DSC01200 DSC01201 DSC01203   DSC01207    DSC01214 DSC01216 DSC01223 DSC01227 DSC01228  DSC01234 DSC01237 DSC01243  DSC01249 DSC01251  DSC01259 DSC01262 DSC01265 DSC01266 DSC01269 DSC01272 DSC01273 DSC01275 DSC01277 DSC01278  DSC01304  DSC01307 DSC01308 DSC01310 DSC01311 DSC01312  DSC01319 DSC01320 DSC01325 DSC01326 DSC01327 DSC01331 DSC01332 DSC01335 DSC01337  DSC01347 DSC01348

Maxamed Macalin Xasan White-ka

Did you like this? Share it:

LEAVE A REPLY

Please enter your comment!
Please enter your name here