Wasiirada Cusub ee Arimaha Gudaha, Dibadda iyo Ganacsiga oo maanta xilalkooda loo dhaariyay “SAWIRRO”

1839

Waxaa maanta si rasmi ah loo dhaariyay wasiirada cusub ee Wasaaradaha Arrimaha Gudaha Federaalka iyo Dib u heshiisinta, Arrimaha Dibadda iyo iskaashiga Caalamiga ah iyo Ganacsiga, kuwaas oo dhowaan uu magacaabay R/wasaaraha Xukuumadda Soomaaliya Mudane Xasan Cali Khayre.

Munaasabadda lagu dhaarinayay xubnaha wasiiradaan ayaa waxaa goob joog ka ahaa, Guddoomiyaha Golaha Shacabka Maxamed Sheekh Cusmaan Jawaari iyo R/wasaare ku xigeenka Dalka Mudane Mahdi Maxamed Guuleed Qadar.

Dhaarinta ka dib ayaa Wasiirada cusub waxay la kulmeen R/wasaaraha Xukuumadda Soomaaliya Mudane Xasan Cali Khayre.

Afartii Bishaan ayay ahayd markii R/wasaare Khayre uu magacaabay Axmed Ciise Cawad, Wasiirka Arrimaha Dibedda & Iskaashiga Caalamiga ah, Maxamed Cabdi Xayir Maareeye, Wasiirka Ganacsiga & Warshadaha iyo Cabdi Maxamed Sabriye, Wasiirka Arrimaha Gudaha, Federaalka & Dib-u-Heshiisiinta.

 

Did you like this? Share it:

LEAVE A REPLY

Please enter your comment!
Please enter your name here