Wasiirada Waxbarashada Soomaaliya iyo Ethiopia oo heshiis Is-afgarad ah wada saxiixday

Wasiirada waxbarashada Soomaaliya iyo Ethiopia ayaa isku afgartay in ay wada saxiixdaan iskaashi waxbarasho oo dhex mara labada dowladood, ka dib markii labada wasiir ku kulmeen magaalada Adis Ababa.

Labada wasiir ayaa sidoo kale ku heshiiyay in ay magacaabaan guddi farsamo oo ka shaqeeya meel marinta heshiiska la saxiixay iyo ka miro dhalinta ahdaafta ku jirta is-afgaradka.

Cabdulaahi Goodax Barre, wasiirka waxbarashada xukuumadda Soomaaliya ayaa dhigiisa Ethiopia la wadaagay horumarka waxbarasho ee dalku gaaray mudadii uu xafiiska joogay.

Wasiirka waxbarashada Ethiopia ayaa dhankeeda balan qaaday in Soomaaliya kala shaqeyn doonaan horumarinta tacliinta.

Kulanka labada wasiir waxaa sidoo kale, mas’uuliyiintii ka qeybgashay kamid ahaa, danjiraha Soomaaliya u fadhiya magaalada Adis Ababa, danjire , Cabdixakim Cabdullahi Cumar iyo saraakiil ka kala socota wasaaradaha labada dal ee Soomaaliya iyo Ethiopia.

LEAVE A REPLY

Please enter your comment!
Please enter your name here