Wasiirka amniga gudaha oo maanta booqaday isbitaalka Madiino+Sawirro

Wasiirka Wasaaradda Amniga Gudaha ee Xukuumadda Federaalka C/risaaq Cumar Maxamed ayaa booqday Isbitaalka Madiina oo ay ku jiraan dadkii ku dhaawacmay qaraxyadii argagixiso ee maleeshiyaadka Shabaab ka geysteen Magaaladda Muqdisho.

Wasiirka Amniga Gudaha oo ay wehliyaan maamulka isbitaalka Madiina ayaa mid mid u booqday qeybaha dadka dhaawacyada ah ay ku jiraan ,waxaana dhaqaatiirta isbitaalka Madiina ay wasiirka warbixin ka siiyeen xaaladaha dhaawacyada isbitaalka ku jira.

Wasiirka Wasaaradda Amniga Gudaha Mudane C/risaaq Cumar Maxamed ayaa uga mahad celiyay maamulka iyo shaqaalaha isbitaalka Madiina dadaalka ay u muujiyeen dadka bukaanada ah ee ku jira isbitaalka gaar ahaaan dadkii ugu dambeeyay ee qaraxyadii muqdisho ka dhacay ku dhaawacmay isagoo  sheegay in qorshaha dowlada Soomaaliya uu yahay in ay qalabeyso isbitaalka Madiina si looga maarmo adeegyada caafimaad ee dalka dibadiisa dadka loogu qaado maaddaamaa uu yahay isbitaalka ugu badan ee dadka dhaawacyada ah la geeyo.

Sidoo kale Wasiirka Amniga ee Soomaaliya ayaa ugu baaqay dadka Soomaaliyeed in ay la shaqeeyaan hay’adaha amaanka si loogu guuleysto kooxaha nabad diidka ah ee dhibaatada ku haya ummadda Soomaaliyeed.’

Booqashada wasiirka ayaa qeyb ka ah dadaallada ay dowladdu ugu jirto sidii ay daryeel caafimaad oo wanaagsan ugu heli laheyd dadkii abriyada ahaa ee ku dhaawacmay qaraxyadii ugu dambeeyay ee ka dhacay Muqdisho.

vlcsnap-2016-02-28-04h18m29s123 vlcsnap-2016-02-28-04h22m41s77 vlcsnap-2016-02-28-04h23m15s171 vlcsnap-2016-02-28-04h23m35s103 vlcsnap-2016-02-28-04h24m33s164 vlcsnap-2016-02-28-04h24m54s142 vlcsnap-2016-02-28-04h25m13s74 vlcsnap-2016-02-28-04h25m40s77 vlcsnap-2016-02-28-04h26m16s159

LEAVE A REPLY

Please enter your comment!
Please enter your name here