Wasiirka Amniga gudaha oo maanta gaaray Beledweyne

0
2192

Wasiirka Amniga gudaha xukuumadda Soomaaliya Mudane C/rasaaq Cumar Maxamed iyo wefdi uu hogaaminaayo ayaa duhurnimadii maanta gaaray magaalada Beledweyne ee xarunta gobolka Hiiraan.

Wefdiga Wasiirka ayaa waxaa kamid ahaa gudoomiyaha gobolka Hiiraan C/fitaax Xasan Afrax oo magaalada Muqdisho ku sugnaa maalmahan dambe, waxaana mas’uuliyiintan garoonka diyaarahah ee Beledweyne ku soo dhaweeyay xubno ka socday maamulka gobolka, saraakiisha ciidanka dowladda Soomaaliya , kuwo Midowga Afrika ee AMISOM iyo qaar kamid ah bulshada ku dhaqan halkaasi.

Wasiirka Amniga gudaha iyo mas’uuliyiinta ka socotay ayaa waxaa ay gaareen xarunta uu ka socdo shir dib u heshiisiinta iyo aayo ka talinta gobolka Hiiraan kaas oo mudooyinka dambe halkaasi ka socday.

Wariye C/shakuur Cismaan Cali oo warbaahinta qaranka ugu soo warama gobolka Hiiraan ayaa soo sheegaya in wasiirka uu si diiran u soo dhaweeyay shirka dib u heshiisiinta oo ka socda magaalada Beledweyne isagoo tilmaamay in dadka Soomaaliyeed dhibaatooyin aad u badan soo kala gaareen loona baahanayahay in ay wada heshiiyaan.

Sidoo kale gudoomiyaha gobolka Hiiraan Mudane C/fitaax Xasan Afrax ayaa dhankiisa sheegay in shirka uu si aad ah ugu faraxsan yahay isla markaana ka maamul gobolka ahaan ay wixii karaankooda ah ka geysan doonaan sidii shirkan uu u noqon lahaa mid u jeedadii laga lahaa laga gaaray.

Wasiirka Amniga gudaha xukuumadda Soomaaliya Mudane C/rasaaq Cumar Maxamed ayaa waxaa uu socdaalkiisan maanta uu ku tagay magaalada Beledweyne waxaa uu qeyb ka yahay sidii u dhiirgelin lahaa shirka dib u heshiisiinta ee ka socda halkaasi isagoo sidoo kalena inta uu halkaasi jooga la kulmi doona maamulka gobolka, saraakiisha ciidanka dowladda iyo kuwa AMISOM.

 

 

 

 

 

 

Did you like this? Share it:

LEAVE A REPLY

Please enter your comment!
Please enter your name here