Wasiirka amniga gudaha oo tababar u furay askar ka tirsan ciidanka booliiska+Sawirro

2043

Askar ka tirsan ciidanka booliiska Soomaaliyeed ayaa maanta tababar sare loogu qaadayo aqoontooda looga furay dugsiga Jeneraal Kaahiye ee magaalada Muqdisho.

Tababarkan oo ay si wadajir ah usoo qaban qaabiyeen wasaaradda amniga iyo taliska ciidanka booliiska Soomaaliyeed ayaa maanta loo furay 130 askari oo ka tirsaan ciidanka Booliiska, kuwasoo ka howlgelidoona gobollada dalka gaar ahaan deegaannada laga xoreeyay maleeshiyaadka Shabaab.

Furitaankii tababarka waxaa goob joog ka ahaa wasiirka amniga gudaha, taliyaha ciidanka booliiska, taliyaha ciidnka asluubta, taliyaha booliiska ee ciidamada AMISOM iyo saraakiil kale oo ka tirsan ciidanka booliiska Soomaaliyeed.

Taliyaha ciidanka booliiska Soomaaliya Jeneraal Maxamed Sheekh Xasan Xaamud ayaa sheegay in uu ku dadaali doono tayeynta ciidanka, islamarkaana sare loo qaadi doono aqoonta ciidanka booliiska Soomaaliyeed.

Wasiirka amniga gudaha C/risaaq Cumar  ayaa ka hadlay muhiimadda uu leeyahay tababarkan, wuxuuna hoosta ka xariiqay in tababarrada noocan oo kale ah ay wax weyn ka tarayaan sugidda amniga dalka.

BH0A0521 BH0A0524 BH0A0552 BH0A0553 BH0A0555 BH0A0563 BH0A0567 BH0A0571 BH0A0590 BH0A0602 BH0A0626 BH0A0657 BH0A0662 BH0A0674 BH0A0730 BH0A0741 BH0A0749 BH0A0765 BH0A0770

 

Did you like this? Share it:

LEAVE A REPLY

Please enter your comment!
Please enter your name here